حزب اللہ کے پاس ایک لاکھ میزائل؛صیہونیوں کی نیندیں حرام

🗓️ 7 جون 2022

سچ خبریں:صیہونیوں کا کہنا ہے کہ حزب اللہ کے پاس لاکھوں میزائل ہیں جس کی وجہ سے صیہونی حکام سخت تشویش میں مبتلا ہیں۔
اسرائیلی اخبار معاریو کی رپورٹ کے مطابق صیہونی حکومت کے سکیورٹی ذرائع نے دعوی کیا ہے کہ حزب اللہ لبنان کے پاس مختلف قسم کے ایک لاکھ میزائل ہیں، اس اخبار کی رپورٹ کے مطابق 2006 میں لبنان کے خلاف دوسری جنگ کے بعد حزب اللہ کی میزائل ٹیکنالوجی میں زبردست اضافہ ہوا جو اسرائیل کیلئے حظرے کی گھنٹی ہے۔

واضح رہے کہ صیہونی ذرائع ابلاغ نے اب تک کئی بار حزب اللہ کے میزائلوں کے حوالے سے رپورٹیں دی ہیں، کچھ عرصہ قبل واللا نیز وب سائٹ نے میزائلوں کے حوالے سے حزب اللہ کی پیشرفت کے بارے میں اپنی ایک رپورٹ میں اسرائیلی فوج کے حوالے سے کہا تھا کہ حزب اللہ کے پاس ڈیڑھ لاکھ میزائل ہیں اور ممکنہ طور پر جنگ چھڑنے کی صورت میں اسرائیل کی جانب 10 سے 30 ہزار تک میزائل داغے جا سکتے ہیں جس کو لے کر صیہونی حکام اور عوام میں شدید تشویش پائی جاتی ہے یہاں تک کہ بہت سارے صیہونی شہری مقبوضہ علاقوں سے فرار کرنے کو ترجیح دیتے ہیں۔

صیہونی حکام کا کہنا ہے کہ سیف القدس جنگ کے دوران تل ابیب اور اسدود پر بہت زیادہ میزائل فائر کئے گئے۔