جولانی کا تکفیری جنگجوؤں کو تحفہ

جولانی کا تکفیری جنگجوؤں کو تحفہ

لبنان کی ویب سائٹ لا اورینتال نے انکشاف کیا ہے کہ غیر ملکی تکفیری جنگجو، جو برسوں سے شام کی خانہ جنگی میں گروہ تحریرالشام کے ساتھ مل کر بشار الاسد کی حکومت کے خلاف لڑتے رہے ہیں، اب ابومحمد جولانی (احمد الشرع) سے شامی شہریت دینے کا مطالبہ کر رہے ہیں۔

رپورٹ کے مطابق، ان جنگجوؤں کی اکثریت مختلف ملکوں سے آئے ہوئے عناصر ہیں جو شام میں عسکری ڈھانچوں کا حصہ بن چکے ہیں۔ پچھلے 9 ماہ سے دمشق حکومت کے لیے یہ مسئلہ ایک بڑے چیلنج کی صورت اختیار کر چکا ہے، جبکہ مصر اور اردن جیسی ریاستیں بھی شام میں ان شدت پسندوں کی موجودگی پر شدید تشویش ظاہر کر چکی ہیں۔

اس دوران امریکہ اور نیٹو ان جنگجوؤں کو مستقبل میں چین اور روس کے خلاف دباؤ کے ایک ہتھیار کے طور پر دیکھ رہے ہیں۔ بالخصوص ایغور اور چیچن شدت پسندوں کو شام میں سرگرم رہنے دیا جا رہا ہے تاکہ مناسب وقت پر انہیں بیجنگ اور ماسکو کے خلاف استعمال کیا جا سکے۔

ذرائع کے مطابق، وسطی ایشیا سے تعلق رکھنے والے دہشت گرد گروہوں کی شام میں سرگرمیاں گزشتہ برسوں میں تیزی سے بڑھیں۔ ان میں سب سے نمایاں حزب اسلامی ترکستان ہے جس کے جنگجو ایغور خطے (چین) سے شام منتقل کیے گئے اور تحریرالشام کے ساتھ مل کر دمشق پر حملوں اور بشار الاسد کی حکومت کے خاتمے کی کوششوں میں شریک ہوئے۔

رپورٹ میں بتایا گیا کہ ہزاروں ایغور شدت پسندوں کو ادلب اور حلب میں یوکرینی فوجی اور انٹیلی جنس افسران نے تربیت دی۔ اس سے قبل یہ جنگجو پاکستان میں ابتدائی عسکری تربیت حاصل کر چکے تھے تاکہ مستقبل میں اگر نیٹو اور چین کے درمیان ٹکراؤ ہو تو چین کی مغربی سرحد کو غیر محفوظ بنایا جا سکے۔

فی الحال تقریباً 5 ہزار جنگجو، جن میں اویغور اور ازبک شامل ہیں، ادلب کے علاقوں جیسے جسرالشغور جبل السماق سهل الغاب جبل الاکراد اور جبل الترکمان میں موجود ہیں۔

ان جنگجوؤں کی تنظیم کاری کی ذمہ داری بدنام زمانہ دہشت گرد ابوالقاسم ترکستانی کے ہاتھ میں ہے جو افغانستان میں امریکی جنگ کے دوران بھی سرگرم رہا۔ وہ تحریرالشام میں عسکری تربیت کا نگران ہے، جبکہ "ابوعائشہ ترکستانی” کو نظریاتی اور سیاسی indoctrination کی ذمہ داری سونپی گئی ہے۔