جنوبی افریقہ کے سابق صدر کو قید کی سزا

?️ 17 دسمبر 2021

سچ خبریں:جنوبی افریقہ کی ایک عدالت نے اس ملک کے سابق صدر جیکب زوما کو15 مہینے قید کی سزا سنائی ہے۔
ایسوسی ایٹڈ پریس کی رپورٹ کے مطابق جنوبی افریقہ کی ایک عدالت نے اس ملک کے سابق صدرجیکب زوما کوجیل واپس بھیجنے کا حکم دے دیا ہے، رپورٹ کےمطابق 79سال کے جیک زوما صحت کی خرابی کی وجہ سے ستمبرسے پیرول پررہا تھے۔

واضح رہے کہ جنوبی افریقہ کے سابق صدرجیکب زوما کوکرپشن کے مقدمے میں عدالت میں پیش نہ ہونے اورعدالت سے تعاون نہ کرنے پرتوہین عدالت کے جرم میں 15مہینے قید کی سزا سنائی گئی تھی،جبکہ جیکب زوما نے سزا کے خلاف درخواست دی تھی جسے مسترد کردیا گیا۔

واضح رہے کہ جنوبی افریقہ کے 9سال صدررہنے والے جیکب زوما نے جولائی میں گرفتاری پیش کی تھی جس کے بعد ان کے حامیوں نےاحتجاج کیا تھا جس کے دوران لوٹ مار اورتشدد کے واقعات میں 100سے زائد افراد ہلاک ہوئے تھے۔