جرمنی میں روس کی حمایت میں عوامی مظاہرے

🗓️ 13 اپریل 2022

سچ خبریں:جرمن حکومت جانب میں یوکرین جنگ میں روس کی مخالفت کے باوجود اس ملک میں روس کی حمایت میں مظاہرے ہورہے ہیں۔
ایک طرف جہاں جرمن حکومت روس کی مخالفت میں ایڑی چوٹی کا زور لگائے ہوئے ہے وہیں اس ملک کے عوام نے یہ کہتے ہوئے روس کی حمایت میں مظاہرے کیے ہیں کہ یوکرین جنگ کے حقائق سامنے لائے جائیں او دنیا بھر میں مقیم روسیوں کے ساتھ امتیازی سلوک بند کیا جائے، اگرچہ کچھ لوگ اس ریلی کو یوکرین پر ماسکو کے حملے کی حمایت کے طور پر دیکھ رہے ہيں جبکہ مظاہروں کا انعقاد کرنے والوں کا کہنا ہے کہ ان کا مقصد اس ملک میں روسیوں کے خلاف چل رہے امتیازی سلوک کو برملا کرنا ہے اسی لئے ریلی کا انعقاد کیا گیا۔

یاد رہے کہ جرمنی میں دوسرے دن بھی روس کے حامیوں نے ریلیاں نکالیں اور یوکرین پر حملے کے بعد سے اس ملک کی سب سے بڑی روسی زبان کی آبادی کے ساتھ امتیازی سلوک کو ختم کرنے کا مطالبہ کیا۔

بڑی تعداد میں مظاہرین نے مالی مرکز فرینکفرٹ میں ریلی نکالی جے کے دوران کئی لوگ روسی پرچم اٹھائے ہوئےتھے،جرمن پولیس کے مطابق شمالی شہر ہانور میں بھی اسی طرح کا مظاہرہ ہوا جس میں بڑی تعداد میں کاروں کا قافلہ شامل ہوا۔

حالانہ ریلی کی شروعات میں دیرسے ہوئی کیونکہ حکام نے ہدایات جاری کی تھی کہ گاڑیوں کے بونیٹ کو پرچموں سے پوشیدہ نہ کیا جائے،مظاہروں کا انعقاد کرنے والوں کا کہنا تھا کہ وہ جرمنی میں مقیم روسیوں کے بارے میں بڑھتی عدم برداشت جیسے مسائل کو منظر عام پر لانا چاہتے ہیں۔