تل ابیب کے خلاف لندن کے فوجی فیصلے پر اسرائیلی وزارت جنگ سخت رد عمل

تل ابیب کے خلاف لندن کے فوجی فیصلے پر اسرائیلی وزارت جنگ سخت رد عمل

اسرائیلی وزارت جنگ نے برطانیہ کے اس فیصلے پر شدید برہمی ظاہر کی ہے جس کے تحت لندن نے اسرائیلی حکام کو اپنی آنے والی بڑی دفاعی نمائش میں شرکت سے روک دیا ہے۔

اسرائیلی وزارت جنگ نے بیان میں کہا کہ برطانیہ کا یہ اقدام جان بوجھ کر ہمارے نمائندوں کو نشانہ بنانے کے مترادف ہے۔ یہ فیصلہ توہین آمیز اور شرمناک ہے۔ اسی لیے ہم نے لندن میں ہونے والی نمائش میں شرکت نہ کرنے کا فیصلہ کیا ہے۔

امریکی جریدے پولیٹیکو کے مطابق، برطانوی حکومت نے رواں سال کے بین الاقوامی دفاعی و سیکیورٹی آلات نمائش  کے لیے اسرائیلی وفد کو دعوت نامہ نہیں بھیجا۔ برطانیہ کے سرکاری ترجمان نے واضح کیا کہ غزہ میں اسرائیلی فوجی کارروائیوں کا فیصلہ غلط تھا، اسی لیے کسی بھی سرکاری اسرائیلی وفد کو مدعو نہیں کیا گیا۔

یہ نمائش ہر دو سال بعد لندن میں منعقد ہوتی ہے اور دنیا کے سب سے بڑے اسلحہ و دفاعی صنعت کے میلوں میں شمار ہوتی ہے۔ ماضی میں اسرائیل اس میں باقاعدگی سے شریک ہوتا رہا ہے، لیکن اس بار اسے مہمانوں کی فہرست سے خارج کر دیا گیا۔

فیصلہ ایسے وقت سامنے آیا ہے جب برطانیہ کے اندر اور عالمی سطح پر کر اسٹارمر حکومت پر غزہ کی جنگ روکنے کے لیے دباؤ بڑھ رہا ہے۔ برطانوی وزیراعظم پہلے ہی خبردار کر چکے ہیں کہ اگر تل ابیب نے فوری طور پر غزہ کی صورتحال کو ختم کرنے کے لیے اقدامات نہ کیے تو لندن ستمبر میں فلسطین کو باضابطہ ریاست کے طور پر تسلیم کرنے کا اعلان کر سکتا ہے۔