ترکی میں دہشت گرد گروہوں سے تعلق کے الزام میں 27 افراد گرفتار

🗓️ 31 دسمبر 2022

سچ خبریں:      ترک میڈیا نے اعلان کیا ہے کہ ترکی کے مختلف علاقوں میں ملکی سکیورٹی فورسز کی کارروائیوں اور چھاپوں میں دہشت گرد گروہوں کے 27 ارکان کو گرفتار کر لیا گیا ہے۔

اناتولی کے مطابق 250 سیکورٹی فورسز اور پولیس نے بیک وقت ان ملک گیر کارروائیوں میں حصہ لیا جنہیں جاسوسی ڈرون کی مدد حاصل تھی۔

جن 27 افراد کو گرفتار کیا گیا ہے ان کا تعلق القاعدہ، داعش اور PKK جیسے دہشت گرد گروپوں سے ہے۔

ینی شفق کی رپورٹ کے مطابق 2013 سے جب ترکی نے داعش کے عناصر کو دہشت گرد گروہوں کی فہرست میں شامل کیا تھا ترکی کے مختلف شہروں میں کم از کم 10 خودکش دھماکے کیے گئے ہیں جن میں 315 ترک باشندے ہلاک اور سینکڑوں زخمی ہوئے ہیں۔