بحرین اور صیہونی حکومت کے درمیان ابتدائی آزاد تجارتی معاہدہ

?️ 13 دسمبر 2022

سچ خبریں:صیہونی حکومت کے سرکاری ٹی وی (کان) نے اعلان کیا ہے کہ منامہ اور تل ابیب کے درمیان آزاد تجارتی معاہدے پر جلد دستخط کیے جائیں گے۔

صیہونی سرکاری ٹی وی چینل کان نے اعلان کیا کہ اسرائیلی صدر اسحاق ہرزوگ کے حالیہ دورہ بحرین کے بعد فریقین جلد آزاد تجارتی معاہدے پر دستخط کرنے والے ہیں، اس صورت میں دو طرفہ تجارتی تبادلے کروڑوں ڈالر تک پہنچ جائیں گے۔

اس صہیونی چینل کی رپورٹ کے مطابق بحرینی عوام کی جانب سے اسرائیل کے ساتھ تعلقات کو معمول پر لانے کے خلاف مظاہروں اور وسیع احتجاج کے باوجود اسرائیل کے صدر کے دورہ منامہ کے دوران دونوں فریقوں کے درمیان مذاکرات میں پیش رفت ہوئی ہے۔

اس سلسلے میں قبل ازیں اسرائیل کی وزارت اقتصادیات اور صنعت کے فارن ٹریڈ ڈیپارٹمنٹ نے اعلان کیا تھا کہ بحرین اور اسرائیل کے درمیان باضابطہ تعلقات کے معاہدے پر دستخط کے بعد سے دونوں فریقین کے درمیان تجارتی تعلقات 2021 میں تقریباً 7.5 ملین ڈالر تک پہنچ گئے ہیں، بحرین کو اسرائیلی برآمدات کا حجم 4 ملین ڈالر ہے جس میں ہیرے اور قیمتی پتھر، کیمیکل اور برقی آلات شامل ہیں نیز بحرین اسرائیل کو تقریباً 3.5 ملین ڈالر کی دھاتیں اور ایندھن بھی برآمد کر چکا ہے۔

یاد رہے کہ 4 ستمبر 2020 کو آل خلیفہ حکومت اور صیہونی حکومت کے درمیان تعلقات کو معمول پر لانے کے لیے ایک معاہدہ طے پایا جس کی بحرین کے مختلف علاقوں کے عوام نے کئی بار مظاہرے منعقد کرکے منامہ اور تل ابیب کے درمیان تعلقات کو معمول پر لانے کے معاہدے کی مذمت کی، تاہم صیہونی حکومت کے ساتھ متحدہ عرب امارات اور بحرین کے تعلقات معمول پر آنے کے تقریباً دو سال بعد کیے گئے ایک سروے سے پتہ چلتا ہے کہ بحرین اور متحدہ عرب امارات کے عوام کی ایک بڑی تعداد اس حکومت کے ساتھ تعلقات کو معمول پر لانے کے خلاف ہے۔