ایک سال میں صیہونیوں کے ہاتھوں 700 سے زائد فلسطینی خواتین اور بچیاں شہید اور زخمی

?️ 9 مارچ 2022

سچ خبریں:انسانی حقوق مرکز المیزان کے مطابق قابض صیہونی حکومت کی فوج نے ایک سال کے دوران غزہ کی پٹی میں 60 فلسطینی خواتین کو شہید کیا۔
المیزان ہیومن رائٹس سینٹر نے اعلان کیا کہ صیہونی قابض فوج نے غزہ کی پٹی میں 8 مارچ 2021 سے 8 مارچ 2022 تک 60 فلسطینی خواتین کو شہید کیا جن میں 22 کمسن بچیاں بھی شامل ہیں،یادرہے کہ انسانی حقوق کے مرکز کی طرف سے یہ رپورٹ ہر سال 8 مارچ کو خواتین کے عالمی دن کے موقع پر سامنے آتی ہے ، اس میں بتایا گیا ہے کہ چار خواتین توپ خانے کے گولوں سے اور 56 راکٹوں سے ہلاک ہوئیں جبکہ 645 خواتین زخمی ہوئیں جن میں 248 کمسن بچیاں بھی شامل ہیں۔

واضح رہے کہ یہ جرائم گزشتہ سال مئی میں آخری اسرائیلی جارحیت کے دوران ہوئے ، مرکز نے مزید کہا کہ گزشتہ ماہ اسرائیلی جارحیت میں اپنے شوہروں سے محروم ہونے والی خواتین کی تعداد 99 تھی، جب کہ قابض حکومت کی افواج نے خواتین کے 742 مکانات اور 211 دونم (تقریباً 20 ہیکٹر) سے زائد زمین کو تباہ کر دیا ۔

المیزان ہیومن رائٹس سنٹر نے زور دے کر کہا کہ قابض حکومت کی افواج غزہ کی پٹی سے باہر ہزاروں مریضوں کو علاج معالجے سے محروم کر رہی ہے اور یہ مرکز کل 158 خواتین اور 235 بیمار بچوں میں سے 70 خواتین اور 42 بچوں کی مدد کرنے میں ناکام رہا جنہوں نے غزہ کی پٹی سے مدد کی اپیل کی تھی۔