ایران کی ناکہ بندی کے بارے میں ٹرمپ کے بے بنیاد دعوے

سچ خبریں: ڈونلڈ ٹرمپ نے اپنے ایک حالیہ بیان میں، جو ان کے معمول کے مطابق خودستائی اور مبالغہ آرائی کا آئینہ دار ہے، ایک عجیب دعویٰ کرتے ہوئے کہا کہ اگر وہ نہ ہوتے تو امریکی خلائی فورس کا کوئی وجود نہ ہوتا۔

اس سلسلے میں انہوں نے کہا یہ مت بھولیں کہ میں وہی شخص ہوں جس نے امریکی خلائی فورس کو تشکیل دیا؛ اس سے پہلے ہمارے پاس ایسی کوئی فورس موجود نہیں تھی۔ ٹرمپ نے اس فیصلے پر عوام کے ابتدائی ردعمل کا ذکر کرتے ہوئے مزید کہا جب لوگوں نے پہلی بار اس کے بارے میں سنا تو انہیں لگا کہ ہم مذاق کر رہے ہیں اور انہوں نے اسے کامک بک (مزاحیہ کتابوں) کی کہانیوں سے تشبیہ دی؛ لیکن حقیقت اس کے برعکس تھی اور اب یہ فورس ہماری مسلح افواج کی اہم ترین شاخوں میں سے ایک بن چکی ہے۔

ٹرمپ نے اپنی تقریر کے ایک اور حصے میں جوشیلے انداز اور بے بنیاد دعوؤں کے ساتھ امریکی فوجی کامیابیوں کو اپنی خلائی ٹیکنالوجی کی صلاحیتوں سے منسوب کرنے کی کوشش کی۔ انہوں نے دعویٰ کیا کہ ایک بہت مختصر جنگ، جو صرف 48 منٹ پر مشتمل تھی، خلائی انٹیلیجنس کی مدد سے چلائی گئی۔

انہوں نے مختلف ممالک کے خلاف فوجی آپریشنز، بشمول ایران کی ناکہ بندی کا حوالہ دیتے ہوئے مغرورانہ لہجے میں کہا بس ہماری ناکہ بندی کو دیکھ لیں؛ یہ آپریشن نہایت شاندار اور زبردست کامیابی کے ساتھ انجام دیا گیا ہے اور اس میں خلا نے کلیدی کردار ادا کیا ہے۔ کس نے سوچا تھا کہ خلا اتنا اہم کردار ادا کر سکتا ہے؟