ایران کی طرف سے مطالبات کو تسلیم نہ کرنے پر ٹرمپ ناراض: سی این این 

سچ خبریں: امریکی نیوز چینل سی این این نے باخبر ذرائع کے حوالے سے رپورٹ کیا ہے کہ امریکی صدر ڈونلڈ ٹرمپ نے اپنے سینئر ایلچیوں کو ایران کے ساتھ مذاکرات روکنے کا حکم دے دیا ہے۔

سی این این نے ایک امریکی اہلکار کے بیان کی بنیاد پر بتایا کہ ڈونلڈ ٹرمپ نے اپنے اعلیٰ نمائندوں سے کہا ہے کہ وہ تہران کے ساتھ اپنی بات چیت کو معطل کر دیں۔

سی این این نے ذرائع کے حوالے سے مزید کہا کہ امریکی حکام نے اپنے اتحادیوں کو آگاہ کر دیا ہے کہ وہ اپنی حکمت عملی تبدیل کر رہے ہیں اور ایران کو بتدریج گلا گھونٹنے کا عمل اپنانے کا ارادہ رکھتے ہیں۔

اس نیوز چینل نے امریکی حکام کے حوالے سے یہ بھی رپورٹ کیا کہ ٹرمپ تہران کی جانب سے ان کے مطالبات کے جواب دینے کے لیے تیار نہ ہونے سے ناراض ہیں اور وہ اس وقت تک انتظار کرنا چاہتے ہیں جب تک کہ ایران کے رہنما اس معاہدے کے لیے نئی آمادگی ظاہر نہ کریں جس کے وہ خواہاں ہیں۔

امریکی حکام نے مزید اس بات پر زور دیا کہ توقع ہے کہ جلد ہی ایران کے خلاف انتہائی سخت اور کڑی پابندیاں عائد کی جائیں گی۔