اہم صیہونی بینک سائبر حملے کا شکار

?️ 11 اپریل 2022

سچ خبریں:اسرائیلی حکومت کے الیکٹرانک ڈیٹا بیس اور اہم ترین بینکوں کی کچھ ایپلی کیشنز گھنٹوں تک صارفین کی پہنچ سے باہر رہیں۔
صیہونی حکومت کے اسرائیلی زبان کے ذرائع ابلاغ نے متعدد اسرائیلی بینکوں کی ویب سائٹس پر سائبر حملے کی خبر دی، رپورٹ کے مطابق، مساد بینک، انٹرنیشنل، اوتزرہشیل اور متعدد دیگر بینکوں کی ویب سائٹس کو ہیک کر لیا گیا۔

میڈیا رپورٹس کے مطابق ان بینکوں کی ایپلی کیشنز اور ویب سائٹس تک صارفین کی رسائی منقطع ہوگئی، ماہرین کے مطابق اسرائیل کے زیادہ تر بڑے بینکوں کی حالت خراب ہو رہی،اس سے ان بینکوں پر سائبر حملے کے خطرناک امکان کو تقویت ملی ہے اور ساتھ ہی ساتھ اسرائیلی بینکوں کی سائبر حملوں کا مقابلہ کرنے کی صلاحیت پر بھی سوالیہ نشان کھڑا ہو گیا ہے۔

واضح رہے کہ خلل (یا سائبر حملہ) آدھی رات کو اسرائیل کے سب سے بڑے بینکوں میں سے ایک ہیبو علیم بینک تک سست اور مشکل رسائی کے اعلان کے ساتھ شروع ہوا اور تیزی سے دوسرے اسرائیلی بین الاقوامی بینکوں تک پھیل گیا، اگرچہ یہ مسئلہ کچھ ہی دیر بعد حل ہو گیا تھا، لیکن بعد میں اعلان کیا گیا کہ یہ مسئلہ پہلے سے ڈیزائن کردہ سائبر حملے کا نتیجہ تھا جس نے پورے gov.il ڈومین کو درہم برہم کر دیا۔