اگر ماڈلین کشتی ایران جاتی تو مغرب کا ردعمل کیا ہوتا:برطانوی اینکر کا طنز

سچ خبریں:معروف برطانوی اینکر اور صحافی مہدی حسن نے مغربی حکومتوں کی اسرائیل کے ہاتھوں کشتی ماڈلین کی ضبطی پر خاموشی کو تنقید کا نشانہ بنایا،انہوں نے کہا کہ اگر یہی واقعہ ایران کے ہاتھوں پیش آتا تو مغرب کا ردعمل بہت شدید ہوتا۔

برطانوی صحافی، قلمکار اور معروف اینکر مہدی حسن نے اسرائیل کے ہاتھوں یورپی کارکنان کی حامل کشتی ماڈلین کی ضبطی پر مغربی ممالک کی خاموشی کو شدید تنقید کا نشانہ بنایا ہے۔ مہدی حسن نے کہا کہ صرف تصور کریں، اگر کشتی ماڈلین ایران کی طرف جاتی اور ایران نے اسے روک کر اس میں موجود یورپی شہریوں کو قید کر لیا ہوتا، تو مغرب کا ردعمل کیسا ہوتا؟انہوں نے مزید کہا کہ لیکن جب یہی کام اسرائیل کرتا ہے، تو سب کچھ ٹھیک سمجھا جاتا ہے۔ ہمارے شہریوں کی کوئی اہمیت نہیں۔

یہ بھی پڑھیں: عالمی برادری نے مظلوم اقوام کی مدد کرنا کیوں بند کر دی: شیخ الازہر

واضح رہے کہ پیر کی صبح 19 خرداد کو اسرائیلی فوج کے خصوصی دستوں نے غزہ کے قریب کشتی ماڈلین پر حملہ کر کے اسے ضبط کر لیا اور اس میں سوار تمام یورپی اور دیگر ممالک کے رضاکار کارکنوں کو اغوا کر لیا،یہ کارکنان فریڈم فلوٹیلا کولیشن کے زیر اہتمام غزہ کے محصور عوام کے ساتھ یکجہتی اور امداد کے لیے انسان دوست مشن پر تھے۔

فریڈم فلوٹیلا کولیشن نے اپنے بیان میں کہا کہ اسرائیلی قابض فورسز نے بین الاقوامی پانیوں میں غیر قانونی طور پر انسانی حقوق کے کارکنان کی کشتی پر حملہ کیا اور سب کو اغوا کر لیا، جبکہ ان کا واحد مقصد غزہ کا محاصرہ توڑنا تھا۔

اکتوبر 2023 سے اسرائیلی محاصرے اور جنگ کے سائے میں، غزہ میں انسانی بحران شدت اختیار کر چکا ہے اور ادویات و خوراک کی فراہمی تقریباً ناممکن ہو چکی ہے۔ اسی پس منظر میں کشتی مادلین نے ایک انسان دوست مگر خطرناک سفر کا آغاز کیا تھا، تاکہ محصور فلسطینی عوام تک امداد اور امید کا پیغام پہنچایا جا سکے۔ یہ کشتی پیر کی صبح غزہ کے قریب پہنچی تھی۔

مزید پڑھیں: عالمی برادری غزہ میں خون کی ندیوں کو روکے:غزہ کی حکومت

کشتی ماڈلین، جو گزشتہ 17 سال سے محاصرے کا شکار غزہ کے عوام کے لیے امید اور یکجہتی کی علامت بن چکی ہے، اس واقعے کے بعد عالمی میڈیا کی توجہ کا مرکز بن گئی ہے۔