اوکرائن امن مذاکرات پر مارکو روبیو اور اسٹیو ویتکاف کے درمیان اختلافات

سچ خبریں: صیہونی اخبار جیروزلم پوسٹ نے امریکی وزیر خارجہ مارکو روبیو اور وائٹ ہاؤس کے خصوصی ایلچی اسٹیو ویتکاف کے درمیان اوکرائن جنگ کے پرامن حل کی حکمت عملی پر اختلافات کی اطلاع دی ہے۔

اس صیہونی میڈیا کے مطابق، روبیو اور ویتکاف کے درمیان کشیدگی کی بنیادی وجہ مذاکرات کے طریقہ کار اور روس کی وعیدوں پر اعتماد کے درجے پر اختلاف ہے۔

جیروزلم پوسٹ نے لکھا کہ نومبر میں جنیوا میں ہونے والی امن مذاکرات کے دوران، جب روبیو اور ویتکاف کا اوکرائنی حکام سے ملاقات کا پروگرام تھا، ویتکاف قبل از وقت مذاکراتی مقام پر پہنچ گئے اور ایسا رویہ اختیار کیا جیسے وہ روبیو کی موجودگی میں بات چیت نہیں کرنا چاتے۔

اس صیہونی میڈیا نے ویتکاف کی جانب سے پیش کردہ تجویز کو روس کے مفاد میں قرار دیتے ہوئے لکھا کہ ویتکاف نے کیف کو رعایت دینے پر مجبور کیا، جبکہ روبیو نے کریملن پر اقتصادی اور فوجی دباؤ بڑھا کر اسے رعایت دینے پر مجبور کرنے کا مطالبہ کیا۔

جیروزلم پوسٹ نے ناٹو میں سابق امریکی سفیر الیگزنڈر ورشباؤ کے حوالے سے لکھا کہ روبیو اور ویتکاف کے درمیان اختلافات مسئلہ ساز ہیں اور امریکی مذاکراتی ٹیم کی حکمت عملی میں ہم آہنگی کا فقدان اوکرائن امن مذاکرات کے عمل میں رکاوٹ بن سکتا ہے۔