امریکی فوجی قافلہ شام میں داخل

?️ 31 دسمبر 2021

سچ خبریں:ایک امریکی فوجی قافلہ جنگی ساز و سامان کے ساتھ غیر قانونی طور پر عراق سے شام میں داخل ہوا ہے۔
شامی خبر رساں ایجنسی سانا کی رپورٹ کے مطابق جو 40 گاڑیوں ، فوجی ٹرکوں، ٹینکوں اور توپوں سمیت مختلف قسم کے ہتھیاروں سے لیس امریکی دہشتگردوں کا ایک قافلہ جمعے کی رات عراقی کردستان کے سرحدی علاقے الولید سے شام کے شمال مشرقی علاقے الحسکہ میں داخل ہوا ہےجبکہ گزشتہ ہفتے بھی 40 گاڑیوں پر مشتمل امریکی فوجیوں کا ایک قافلہ عراق سے شام کے علاقے الحسکہ میں داخل ہوا تھا۔

واضح رہے کہ غاصب امریکی فوج کا دعوی ہے کہ وہ عالمی اتحاد کے دائرے میں دہشت گردوں کے خلاف برسر پیکار ہے جبکہ وہ کرد ڈیموکریٹک فورس کے ساتھ تعاون کر کے تیل کی لوٹ مار کرنے کی غرض سے شام کے تیل سے مالامال علاقوں پر قبضہ کر رہی ہے اور اسی غرض سے گزشتہ چند ماہ کے دوران جنگی ساز و سامان سے لدے ہزاروں امریکی فوجی ٹرک، شام کے تیل سے مالامال علاقوں میں پہنچ چکے ہیں۔

دہشت گردی کے خلاف مہم کے بہانے امریکہ اور اس کے اتحادیوں کی غیر قانونی فوجی موجودگی، ایسی حالت میں جاری ہے جبکہ امریکی صدر ٹرمپ نے اپنی حکومت کے آغاز میں ہی اعلان کیا تھا کہ امریکہ ہی نے شام میں داعش سمیت مختلف دہشت گرد گروہ بنائے ہیں ۔

شام کے صدر بشار اسد نے حال ہی میں امریکی حکومت کو جرمن نازی حکومت کی مانند قرار دیتے ہوئے کہا کہ امریکہ ، شام کا تیل چوری کر رہا ہے۔