امریکی صہیونی لابی غزہ میں نسل کشی کا ری برانڈ کرنے کی کوشش میں

امریکی صہیونی لابی غزہ میں نسل کشی کا ری برانڈ کرنے کی کوشش میں

اسرائیلی حکومت اور اس کی امریکی لابی، ایپیک، غزہ میں صحافیوں کی رسائی محدود کرنے اور اہم گواہوں کو ہلاک کرنے کے ذریعے معلوماتی خلا پیدا کرنے کی کوشش کر رہی ہیں تاکہ اپنی کہانی کو اشتہاری کمپنیوں اور تعلقات عامہ کے ذریعے امریکی عوام تک پہنچایا جا سکے۔ اس کا مقصد غزہ میں ہونے والے اجتماعی قتل کو ایک عام جنگ کی صورت میں پیش کرنا اور اسرائیل کے لیے ہتھیار بھیجنے اور سیاسی حمایت کو بلا روک ٹوک جاری رکھوانا ہے۔

امریکی اشتہاری اور مشاورتی کمپنیوں نے اس مہم میں اہم کردار ادا کیا ہے، جس میں عوام کے توجہ کو "اسلامی انتہا پسندی” اور "جہادیت” کی طرف مبذول کرانا شامل ہے تاکہ غزہ میں اسرائیلی جرائم کی طرف سے توجہ ہٹائی جا سکے۔ اسرائیل نے اپنی وزارت خارجہ کا بجٹ 20 گنا بڑھا دیا ہے تاکہ آن لائن اشتہارات، گوگل اور سوشل میڈیا پلیٹ فارمز پر اثرانداز ہونے، اور انفلوئنسرز کے ذریعے تشہیر کی جا سکے۔

اس کے باوجود امریکہ میں اس پالیسی کے خلاف مخالفت بڑھ رہی ہے۔ نومبر 2025 میں کچھ کانگریس اراکین نے غزہ میں فلسطینی عوام کے قتل کو تسلیم کرنے کے لیے ایک قرارداد پیش کی۔ ایپیک نے اس قرارداد کو "خطرناک جھوٹ” قرار دیا اور اس کے حامیوں کے خلاف سوشل میڈیا پر مہم چلائی۔

سروے کے مطابق امریکی عوام کا قابلِ ذکر حصہ، حتیٰ کہ کچھ ریپبلکنز، اسرائیل کو 38 ارب ڈالر کی فوجی امداد جاری رکھنے کے خلاف ہیں۔ تاہم، ایپیک اور اس کے حامی امریکی فوجی اور مالی مدد کو برقرار رکھنے کے لیے کام کر رہے ہیں اور ممکنہ طور پر 2026 کے وسط مدتی انتخابات سے قبل 20 سالہ طویل مدتی معاہدے کی کوشش کر رہے ہیں۔