امریکی حکومت مادورو اور ان کی اہلیہ کی حفاظت کی ذمہ دار 

سچ خبریں: وینزویلا کے اٹارنی جنرل طارق صعب نے ملک کے صدر نکولس مادورو کی اغوا کاری کی مذمت کرتے ہوئے ان کی فوری رہائی کا مطالبہ کیا ہے۔

وینزویلا کے اٹارنی جنرل نے واضح کیا کہ وہ صدر مادورو اور ان کی اہلیہ کی سلامتی کی ذمہ داری ریاستہائے متحدہ کی حکومت پر عائد کرتے ہیں۔

انہوں نے وینزویلا کے سرکاری حکام اور پراسیکیوٹرز پر زور دیا کہ وہ امریکی آپریشن میں انسانی حقوق کی وسیع پیمانے پر خلاف ورزیوں کو دستاویزی شکل دیں۔ انہوں نے براہ راست اقوام متحدہ اور بین الاقوامی انسانی حقوق کی تنظیموں سے مداخلت کی اپیل بھی کی۔

وینزویلا کے اٹارنی جنرل نے کہا ko میں اس وقت اقوام متحدہ سے مطالبہ کرتا ہوں کہ وہ زبان کھولیں۔ بین الاقوامی انسانی حقوق کے ادارے کہاں ہیں جو اس بزدلانہ آپریشن کے خلاف آواز اٹھائیں، جس نے معصوم جانوں کو ہلاک کیا اور صدر اور ان کی اہلیہ کو اغوا کر لیا؟

صعب نے عوام سے بھی درخواست کی کہ وہ جعلی خبروں کے پھیلاؤ کے مقابلے میں پُر سکون اور چوکنا رہیں۔

یہ بیانات اس وقت سامنے آئے ہیں جب سابق امریکی صدر ڈونلڈ ٹرمپ نے دعویٰ کیا تھا کہ امریکا نے وینزویلا کے خلاف ایک کامیاب وسیع پیمانے پر حملہ کیا ہے اور مادورو اور ان کی اہلیہ کو حراست میں لے کر ملک سے باہر منتقل کر دیا گیا ہے۔

کاراکاس کا مؤقف ہے کہ واشنگٹن کے اقدامات کا مقصد وینزویلا میں کٹھ پتلی حکومت قائم کرنا اور اس کے تیل کے وسائل پر کنٹرول حاصل کرنا ہے۔