امریکہ ، جنوبی کوریا اور جاپان کا شمالی کوریا کو غیر مسلح کرنے پر اتفاق

?️ 23 ستمبر 2021

سچ خبریں:جاپانی وزیر خارجہ نے کہا کہ وہ اور ان کے امریکہ اور جنوبی کوریا کےہم منصب شمالی کوریا کے جوہری اسلحہ کی تخفیف پر تعاون کو مزید مضبوط بنانے پر متفق ہیں۔
کیوڈو نیوز ایجنسی نے جمعرات کواپنی ایک رپورٹ میں لکھا ہے کہ اقوام متحدہ کی جنرل اسمبلی کے موقع پر نیویارک میں بات چیت کے دوران امریکہ ، جنوبی کوریا اور جاپان نے شمالی کوریا کو غیر مسلح کرنے کے لیےسفارتی کوششوں کو مضبوط بنانے اور اقوام متحدہ کی قراردادوں کے نفاذ کو یقینی بنانے کے لیے مل کر کام کرنے کا عہد کیا۔

یادرہے کہ 15 ستمبر کو شمالی کوریا کے دو بیلسٹک میزائلوں کے تجربے کے بعد امریکی وزیر خارجہ انتھونی بلنکن اور جنوبی کوریا کے وزیر خارجہ چونگ یی یونگ اور جاپان کے وزیر خارجہ موتاگی کے درمیان سہ فریقی ملاقات ہوئی جس کے بعد صحافیوں سے بات کرتے ہوئے موتاگی نے وزارتی اجلاس کو خیالات کا تبادلہ کرنے کا ایک بہت اچھا موقع قرار دیتے ہوئے کہاکہ میں نے اس میٹنگ میں کہا کہ شمالی کوریا کی حالیہ ایٹمی اور میزائل سرگرمیاں ، بشمول میزائل لانچ ، جاپان ، خطے اور بین الاقوامی برادری کے لیے خطرہ ہیں۔

امریکی وزارت خارجہ کی ترجمان نیڈ پرائس کے مطابق بلینکن نے اجلاس میں جزیرہ نما کوریا کو مکمل طور پر غیر مسلح کرنے کی کوشش میں جاپان اور جنوبی کوریا کے ساتھ مشاورت اور تعاون جاری رکھنے پر مبنی امریکہ کے عزم پر زور دیا ۔

یادرہے کہ تینوں سفارتکاروں کی آخری ملاقات مئی میں جنوبی کوریا کی میزبانی میں لندن میں جی 7 وزرائے خارجہ کے اجلاس کے موقع پر ہوئی تھی ، جہاں موتاگی نے کہا کہ انہوں نے دیگر علاقائی اور عالمی مسائل جیسے میانمار ، چین اور موسمیاتی تبدیلی پر بھی تبادلہ خیال کیا اور ان علاقوں میں تعاون کو مضبوط بنانے پر اتفاق کیا۔