سچ خبریں:شمالی کوریا کی فوج نے ہفتہ اور اتوار کو طویل فاصلے تک مار کرنے والے کروز میزائل کا تجربہ کیا۔
رشیا ٹوڈے کی رپورٹ کے مطابق شمالی کوریا نے گذشتہ ہفتے کے آخر میں ایک نئے کروز میزائل کا کامیاب تجربہ کیا ہےجس میں میزائل نے لانچ کے بعد ہدف کو کامیابی سے نشانہ بنایا، شمالی کوریا کی سرکاری خبر رساں ایجنسی کے مطابق یہ ٹیسٹ ہفتے اور اتوار کو کیے گئے،ان میں سے کچھ ٹیسٹوں میں ایک میزائل نے اس ملک کے خشکی اور آبی حصہ کو پار کرتے ہوئے 1500 کلومیٹر دور اپنے ہدف کو کامیابی سے نشانہ بنایا۔
واضح رہے کہ شمالی کوریا کے سربراہ پیانگ یانگ نے تجربات کو کامیاب قرار دیتے ہوئے کہا ہے کہ نئے میزائلوں کی تمام خصوصیات بشمول پروپلشن ، میزائل کنٹرول اور درستگی کی تصدیق ہوچکی ہے،یادرہے کہ اس سے قبل جنوبی کوریا کے میڈیا بشمول یونہاپ نیوز ایجنسی نے جمعرات کی صبح اطلاع دی تھی کہ شمالی کوریا کی فوج رات بھر ایک بڑی فوجی پریڈ کرتی دکھائی دیتی ہے جس میں ممکنہ طور پر بیلسٹک میزائلوں سمیت نئے فوجی سازو سامان کی نمائش کی جاتی ہے۔
یادرہے کہ امریکی صدر جو بائیڈن کے دوران صدارت شمالی کوریا کی یہ پہلی بڑی فوجی پریڈ اور میزائل کا تجربہ ہے جبکہ کئی سیاسی تجزیہ کاروں اور ماہرین کا خیال ہے کہ یہ میزائل ٹیسٹ اور سابقہ فوجی پریڈ واشنگٹن کو ایک اہم پیغام دیتی ہے۔
یادرہے کہ شمالی کوریا کی فوج نے اس سے قبل ڈونلڈ ٹرمپ انتظامیہ کے آخری دنوں میں اس سال جنوری میں ایک رات کی فوجی پریڈ کا انعقاد کیاتھا۔