افغانستان کے فاریاب صوبے کے ایک علاقہ پر طالبان کا قبضہ

?️ 8 جون 2021

سچ خبریں:افغانستان کےایک مقامی عہدیدار نے اطلاع دی ہے کہ طالبان نے اس ملک کے صوبہ فاریاب میں واقع دولت آباد کے علاقے پر قبضہ کرلیا ہے۔
افغانستان کے طلوع چینل کی رپورٹ کے مابق شمالی افغانستان کے صوبہ فاریاب کونسل کے ایک رکن عبدالاحد ای لیبک نے کہاہے کہ سرکاری فوج کے ساتھ جھڑپوں کے بعد طالبان نے فاریاب صوبے کے علاقہ دولت آباد کا کنٹرول اپنے ہاتھ میں لیا ہے۔

انہوں نے مقامی افغان میڈیا کو بتایا کہ راتوں رات طالبان نے دولت آباد کا کنٹرول اپنے ہاتھ میں لیا ہے،عبد الاحد ای لبیک نے مزید کہاکہ متعدد سرکاری فوجیں علاقہ چھوڑ چکی ہیں اورکچھ فوجی غائب ہوگئے ہیں۔

فاریاب کونسل کے رکن نے کہا کہ طالبان نے ٹیلی مواصلات کارابطہ منقطع کردیا ہے جس کے بعد کے طالبان کے قبضے میں آنے کے بعد اس علاقے کی صورتحال کے بارے میں معلومات دستیاب نہیں ہیں،یادرہے کہ طالبان نے پچھلے تین دن میں صوبہ غور اور قیصار صوبوں میں واقع دولت شاہ کے علاقے پر بھی قبضہ کر لیا تھا۔