اسرائیلی وزیر خارجہ فلسطینی ریاست کے قیام سے خوفزدہ 

سچ خبریں: اسرائیلی وزیر خارجہ گڈیون ساعر نے سوشل میڈیا پلیٹ فارم ایکس پر ایک پیغام میں، حماس، حزب اللہ اور انصاراللہ کی اس ریجیم کے خلاف جدوجہد کی طرف توجہ مبذول کراتے ہوئے لکھا کہ اسرائیل کبھی بھی فلسطینی ریاست کے قیام کو، جو مغربی کنارے میں انتہائی قریب اور ایک اعلیٰ جغرافیائی مقام پر ہو، قبول نہیں کرے گا۔

اس سے قبل، اسرائیلی وزیر دفاع نے اقوام متحدہ کی سلامتی کونسل کے مسودہ قرارداد کے جواب میں، اس کے منظور ہونے سے پہلے ہی اس کی پابندی نہ کرنے پر زور دیا تھا۔ یسرائیل کٹس نے اپنے ایکس اکاؤنٹ پر لکھا کہ اسرائیل کسی فلسطینی ریاست کے قیام کی اجازت نہیں دے گا۔

اسرائیلی ٹی وی نیٹ ورک i24 نے اطلاع دی کہ غزہ میں امن کے لیے امریکی مسودہ قرارداد میں کی گئی ترامیم، فلسطینی ریاست کے قیام کی توثیق کرتی ہیں، اور یہی بات تل ابیب اور واشنگٹن کے درمیان اس معاملے پر اختلافات کو بڑھا رہی ہے۔

اقوام متحدہ کی سلامتی کونفل منگل کے روز غزہ سے متعلق امریکی مسودہ قرارداد پر غور کرے گی۔ واشنگٹن نے مسلم اور عرب ممالک کی حمایت حاصل کرنے کے لیے اس میں تبدیلیاں کی ہیں، جن میں فلسطینی ریاست کے قیام کے لیے راہ ہموار کرنا بھی شامل ہے۔