اسرائیلی ماہر کا اعتراف،حالیہ کاروائی صہیونی فوج کی بدترین شکستوں میں سے ایک

?️ 22 جولائی 2025

اسرائیلی ماہر کا اعتراف،حالیہ کاروائی صہیونی فوج کی بدترین شکستوں میں سے ایک

ایک معروف صہیونی ماہر اور اقتصادی تجزیہ کار ایال اوفر نے اعتراف کیا ہے کہ اسرائیلی فوج کی حالیہ عسکری کارروائی  صہیونی تاریخ کی سب سے ناکام اور بدترین فوجی مہمات میں سے ایک ثابت ہوئی ہے۔

اسرائیلی اخبار معاریو کے مطابق ایال اوفر نے نہ صرف اس آپریشن کو ایک مکمل فوجی ناکامی قرار دیا، بلکہ موجودہ اسرائیلی کابینہ کی عسکری حکمت عملی اور سیاسی پالیسیوں پر بھی کڑی تنقید کی۔

ان کا کہنا تھا کہ اسرائیلی میڈیا میں حماس کی جنگی کامیابیوں کی خبریں عام ہوتی جا رہی ہیں، اور افسوسناک امر یہ ہے کہ بعد میں یہی خبریں اسرائیلی رپورٹوں سے بھی تصدیق شدہ نکلتی ہیں۔”

انہوں نے مزید کہا کہ اسرائیلی عوام اب فوجیوں کی ہلاکت کو معمول سمجھنے لگے ہیں، اور سیاستدان ان قربانیوں کو اپنے مفادات کے لیے استعمال کر رہے ہیں۔

قبل ازیں عرب تجزیہ کار احمد عبدالرحمن نے کہا تھا کہ یہ آپریشن اسرائیلی فوج کی برتری کو ظاہر کرنے کے لیے کیا گیا، لیکن عملی طور پر یہ ایک "مہلک جال” ثابت ہوا۔ انہوں نے کہا کہ: میدان جنگ میں اسرائیلی فوجیوں کا خوفزدہ ہو کر فرار ہونا اور قیادت کی خود اعتمادی کا فقدان، اسرائیلی فوجی نظام کے اندرونی انتشار کا ثبوت ہے۔

اسرائیلی فوج نے حال ہی میں اعتراف کیا ہے کہ اکتوبر 2023 سے اب تک اس کے 894 فوجی ہلاک ہو چکے ہیں۔اس کے علاوہ، 45 صہیونی فوجیوں نے جنگی دباؤ اور ذہنی بیماریوں کے باعث خودکشی کی ہے۔

فوج نفسیاتی مسائل سے دوچار ریزرو فوجیوں کو دوبارہ میدان جنگ میں بھیج رہی ہے، کیونکہ نئے بھرتی ہونے والے دستوں کی شدید کمی ہے۔

ماہرین کا کہنا ہے کہ اسرائیلی فوج میں نفسیاتی بحران، حکمت عملی کی ناکامی، اور سیاسی قیادت کی نااہلی نے اس جنگ کو ایک خود ساختہ دلدل بنا دیا ہے۔

آپریشن ارابہ‌های گدعون نہ صرف عسکری لحاظ سے ایک ناکامی ہے، بلکہ یہ اسرائیلی عوام کے اعتماد، فوج کے مورال اور حکومت کی ساکھ کو بھی شدید نقصان پہنچا چکا ہے۔