اسرائیلی قیدیوں کے متعلق اسرائیلی وزیر کے بیان کی شدید مذمت

صہیونی وزیر کی جانب سے اسرائیلی قیدیوں کی رہائی کو ترجیح نہ ہونے قرار دینے پر مقبوضہ علاقوں میں شدید ردعمل سامنے آیا ہے۔

تفصیلات کے مطابق، اسرائیل کے وزیر برائے ثقافتی ورثہ آمیخائی ایلیاہو نے حال ہی میں ایک متنازع بیان دیتے ہوئے کہا:غزہ میں موجود اسرائیلی قیدیوں کو جنگی قیدی تصور کیا جانا چاہیے اور ان کے ساتھ جنگ کے اختتام پر معاملہ کیا جائے۔ ان کی فوری رہائی اس وقت حکومت کی ترجیح نہیں ہے۔

یائیر گولان، جو صہیونی ریاست کے ایک حزب اختلافی جماعت کے رہنما ہیں، نے کہا:یہ وزیر وہی کچھ کہہ رہا ہے جو کابینہ درحقیقت کر رہی ہے، یعنی قیدیوں کو دانستہ نظرانداز کرنا۔ حکومت نے پہلے ہی فیصلہ کر لیا ہے کہ ان قیدیوں کو قربان کر دیا جائے۔

اسی طرح یائیر لاپید، اپوزیشن لیڈر اور سابق وزیراعظم، نے ایلیاہو پر کڑی تنقید کرتے ہوئے کہا:جو وزیر پہلے غزہ پر ایٹمی بم گرانے کی بات کرتا تھا، وہ اب قیدیوں کو مرنے کے لیے چھوڑنے کا مشورہ دے رہا ہے۔ یہ بات اسرائیل کی بین الاقوامی ساکھ، سیکیورٹی اور داخلی اتحاد کو نقصان پہنچا رہی ہے۔

انہوں نے مزید کہا کہ اگر حکومت نے ایلیاہو کو برطرف نہ کیا تو یہ اس بات کا اقرار ہوگا کہ موجودہ کابینہ نے جان بوجھ کر اپنے فوجیوں کو نظرانداز کر دیا ہے۔

بینی گینٹز، اسرائیلی جنگی کابینہ کے رکن، نے کہا کہ قیدیوں کو جنگی قیدی قرار دینا ان کی جانوں کے لیے خطرہ ہے اور یہ مؤقف دراصل حماس کے بیانیے کو تقویت دیتا ہے۔

غزہ میں قید اسرائیلی شہریوں کے خاندانوں نے بھی ایلیاہو کے بیان پر سخت غم و غصے کا اظہار کرتے ہوئے کہا:انہیں جنگی قیدی قرار دینا اخلاقی طور پر ایک بڑی ناکامی ہے۔ وزیر میراث، عوام کی آواز کی ترجمانی نہیں کر رہا۔ اسرائیلی عوام اپنے قیدیوں کی واپسی اور جنگ کے خاتمے کا مطالبہ کر رہے ہیں۔