اسرائیلی حملوں سے 20 ارب ڈالر کا نقصان پہنچا: لبنان 

سچ خبریں: لبنان کے وزیراقتصاد عامر البساط نے کل زور دے کر کہا کہ صیہونی حکومت کے حملوں کے نتیجے میں لبنانی عوام کا بے گھر ہونا ملک پر بھاری معاشی بوجھ ڈال رہا ہے۔

انہوں نے مزید کہا کہ لبنانی شہریوں کے بے گھر ہونے سے حکومت کو ماہانہ کم از کم 90 ملین ڈالر کا خرچہ اٹھانا پڑ رہا ہے۔ آج یہ ملک جنگ کی وجہ سے معاشی طور پر شدید دھچکے برداشت کر رہا ہے۔

البساط نے بتایا کہ جنوبی لبنان کے علاقوں کے خلاف صیہونی حکومت کے حملوں سے ہونے والی تباہی نے 20 ارب ڈالر مالیت کا نقصان پہنچایا ہے۔ ان حملوں کے دیگر منفی اثرات میں بے روزگاری میں اضافہ اور کمپنیوں اور کارخانوں کا بند ہونا شامل ہیں۔

انہوں نے واضح کیا کہ زرعی پیداوار کا 28 فیصد حصہ مفلوج ہو چکا ہے جبکہ سیاحت کے شعبے کو 2 ارب ڈالر کا نقصان اٹھانا پڑا ہے۔ لبنان کی معیشت صفر درجے پر واپس آ گئی ہے۔