اسرائیل شدید بحرانوں کا سامنا کر رہا ہے،سابق صہیونی جنرل

?️ 17 دسمبر 2025

اسرائیل شدید بحرانوں کا سامنا کر رہا ہے،سابق صہیونی جنرل

اسرائیل کے ریٹائرڈ جنرل اسحاق بریک نے خبردار کیا ہے کہ تل ابیب سیاسی، سکیورٹی، اقتصادی اور سماجی شعبوں میں بے سابقہ بحرانوں اور پیچیدگیوں کا سامنا کر رہا ہے۔

بریک نے عبری روزنامہ "معاریو” میں شائع ہونے والے اپنے مضمون میں کہا کہ موجودہ حالات کے پیش نظر فوری طور پر ایک جامع قومی حکمت عملی کی ضرورت ہے تاکہ اسرائیل کی بقا اور ترقی کو یقینی بنایا جا سکے۔ انہوں نے کہا: "متعدد خطرات اور محاذوں کی موجودگی سکیورٹی اداروں پر دباؤ ڈال رہی ہے کیونکہ انہیں غزہ اور شمالی اسرائیل میں درپیش چیلنجز، مغربی کنارے میں کشیدگی اور ایران و اس کے نیابتی گروہوں سے ممکنہ ٹکراؤ کا سامنا کرنا پڑ رہا ہے۔"

جنرل نے اسرائیل کی بین الاقوامی حیثیت میں کمی اور جاری پابندیوں کا ذکر کرتے ہوئے کہا کہ اس سے عالمی سطح پر اسرائیل کی کارروائی کی صلاحیت اور اس کے اہم اسٹریٹجک تعلقات پر سوالات اٹھتے ہیں۔

بریک نے عوام کے درمیان حکومت اور فیصلے ساز اداروں پر اعتماد کی کمی کو قومی تاب آوری کے لیے خطرہ قرار دیا اور کہا کہ زیادہ تر لوگ سیاسی فیصلوں کو پیشہ ورانہ بجائے سیاسی مفادات کی بنیاد پر لیا جانے والا سمجھتے ہیں۔

انہوں نے جنگ کے اخراجات پر بھی تشویش ظاہر کی اور کہا: "جنگ کا خرچ بہت زیادہ ہے اور سیکورٹی بجٹ میں اربوں شیکلز کے اضافے کا تقاضا کرتا ہے، جس سے مستقبل میں معیشت پر منفی اثرات مرتب ہوں گے۔” اس کے علاوہ، انہوں نے ترقی یافتہ ٹیکنالوجی کے شعبے میں غیر ملکی سرمایہ کاری میں کمی اور معاشی نمو میں کمی کی بھی وارننگ دی۔

جنرل بریک نے فوری اقتصادی منصوبہ بندی اور غیر ضروری اخراجات میں کمی کی ضرورت پر زور دیا اور کہا کہ بلند قیمتیں اور زندگی کے بڑھتے ہوئے اخراجات شہریوں پر دباؤ ڈال رہے ہیں۔

ان کے مطابق، اسرائیل میں سیاسی، سماجی اور مذہبی اختلافات گہرے ہیں اور یہ قومی اتحاد کے لیے خطرہ ہیں۔ انہوں نے کہا کہ معاشرہ فوری طور پر جنگ کے بعد کے صدمے سے بحالی کے عمل میں حصہ لے، خصوصاً زخمیوں، متاثرین اور لواحقین کی مدد کرے۔

آخر میں، بریک نے کہا کہ اسرائیل کی بقا اس کی صلاحیت پر منحصر ہے کہ وہ یک طرفہ رویے سے کثیر الجہتی اور جامع نقطہ نظر کی طرف بڑھے، اصولوں کے مطابق ترجیحات طے کرے، سماجی تاب آوری اور قومی اتحاد کو اولین ترجیح دے، اور ساتھ ہی فوجی فتح اور اقتصادی استحکام بھی حاصل کرے۔