اس سال کے آغاز سے اب تک 151 فلسطینی شہید

?️ 14 ستمبر 2022

سچ خبریں:فلسطین کی وزارت صحت نے اعلان کیا ہے کہ اس سال کے آغاز سے اب تک 151 فلسطینی صیہونی فوج کے ہاتھوں یا اس حکومت کے حملوں کے نتیجے میں شہید ہو چکے ہیں۔

مرکزاطلاعات فلسطین کی رپورٹ کے مطابق فلسطین کی وزارت صحت نے اعلان کیا ہے کہ رواں سال کے آغاز سے اب تک صیہونی قابض فوج کی گولیوں یا اس حکومت کے حملوں کے نتیجے میں 151 فلسطینی شہید ہوچکے ہیں۔

فلسطینی وزارت نے مزید کہا کہ آج صبح عبدالرحمن ہانی عابد اور احمد ایمن عابد نامی دو فلسطینی نوجوان جنین کے شمال میں صیہونی قابض فوج کے ساتھ مسلح تصادم میں شہید ہوئے،اس طرح اس سال کے آغاز سے اب تک فلسطینی شہداء کی کل تعداد 151 ہو گئی ہے جن میں سے 100 افراد مغربی کنارے اور 51 افراد غزہ کی پٹی میں شہید ہوئے۔

واضح رہے کہ حالیہ دنوں میں قابض صیہونی فوج نے مغربی کنارے سمیت متعدد علاقوں میں فلسطینیوں کے خلاف اپنے حملے تیز کر دیے ہیں جبکہ فلسطینی مزاحمتی تحریک نے صیہونیوں کو انتباہ دیتے ہوئے کہا کہ وہ اپنی جارحیت بند کرے ورنہ مغربی کنارے میں شروع ہونے والی کارائیوں بڑھیں گی اور ایسی جنگ چھڑے گی کہ صیہونی سیف القدس کو بھول جائیں گے۔