صہیونیوں اور امریکہ کی غزہ پٹی کے خلاف ٹرمپ کے منصوبے کو نافذ کرنے کی کوششیں  

سچ خبریں:صہیونی ریاست کے وزیر خزانہ نے تل ابیب اور واشنگٹن کی جانب سے غزہ پٹی کے خلاف ٹرمپ کے گستاخانہ منصوبے کو نافذ کرنے کی کوششوں کا اعلان کیا۔  

الجزیرہ نیوز چینل کی رپورٹ کے مطابق صہیونی ریاست کے وزیر خزانہ بیٹزلایل اسموٹریچ نے اعلان کیا کہ اس ریاست کے حکام امریکیوں کے ساتھ مل کر فلسطینیوں کو غزہ پٹی سے بے دخل کرنے کے امریکی صدر ڈونلڈ ٹرمپ کے منصوبے کو نافذ کرنے کے لیے زمین ہموار کر رہے ہیں۔

یہ بھی پڑھیں: ٹرمپ کا غزہ کے بارے میں خواب؛ جسے اتحادیوں میں بھی پذیرائی نہیں مل رہی  

انہوں نے طوفان الاقصیٰ آپریشن کے سامنے صہیونی حکام کی ناکامی کا بھی ذکر کیا اور کہا کہ اس ناکامی کی ذمہ داری صہیونی ریاست کے آرمی چیف کابینہ، خاص طور پر نیتن یاہو پر عائد ہوتی ہے۔

مزید پڑھیں:ہم فلسطینیوں کو بے گھر کیے بغیر غزہ کی تعمیر نو کے لیے کوشاں ہیں: اردن

اسموٹریچ نے اشتعال انگیز بیان دیتے ہوئے صہیونی فوجیوں کی غزہ پٹی میں واپسی اور اس پٹی میں جنگ کو دوبارہ شروع کرنے کا مطالبہ کیا۔

یاد رہے کہ اس سے پہلے بھی انتہاپسند صیہونی وزیر کہہ چکے ہیں کہ حماس کے ساتھ جنگ بندی کرنا یعنی اسرائیلی ریاست کی شکست ہو چکی ہے۔