سچ خبریں:صہیونی حکومت نے گزشتہ رات دمشق کے مضافات میں 60 سے زائد بار اپنے میزائل حملے کیے۔
الجزیرہ نیوز چینل نے فرانسیسی خبررساں ایجنسی کا حوالہ دیتے ہوئے رپورٹ دی کہ اسرائیلی فوج نے صرف پانچ گھنٹوں کے اندر شام کے مختلف علاقوں میں 60 حملے کیے۔
یہ بھی پڑھیں: صیہونی شام کی صورتحال کا فائدہ اٹھا کر مزید اراضی پر قبضہ کرنا چاہتے ہیں:عرب لیگ
شامی ذرائع کے مطابق اسرائیلی فوج نے دمشق کے مضافاتی علاقوں میں فوجی ٹھکانوں پر متعدد حملے کیے۔
مزید اطلاعات کے مطابق، اسرائیلی حملوں میں محجہ گاؤں کے شمال میں واقع درعا صوبے کے اسلحہ ڈپو اور حمص کے مشرق میں 18ویںڈویژن کے اسلحہ ڈپو کو نشانہ بنایا گیا۔
اسرائیلی میڈیا نے جمعہ کے روز بھی رپورٹ دی کہ تل ابیب نے صرف چند گھنٹوں میں شام کے فضائی دفاعی نظام کو تباہ کرتے ہوئے 1800بم شام کے 500 سے زائد مقامات پر گرا دیے۔
مزید پڑھیں: شام کے علاقے جولان پر صیہونی قبضے کے بارے میں روس کا ردعمل
شامی ذرائع نے بھی اطلاع دی کہ اسرائیلی فوج نے دمشق کے مشہور قاسیون پہاڑ کو فضائی حملے کا نشانہ بنایا جبکہ اقوام متحدہ میں شامی مندوب نے صیہونی حملوں کے بارے میں شکایت کی ہے۔
