صیہونیوں کی غزہ کے شہریوں کی جبری نقل مکانی کی سازش 

سچ خبریں:صیہونی وزیر اعظم نیتن یاہو نے قابض وزیر جنگ اسرائیل کاتز کے اس متنازع اور غیر انسانی منصوبے کی منظوری دے دی ہے جس کے تحت غزہ کے تمام 20 لاکھ شہریوں کو رفح کے تباہ حال علاقوں میں منتقل کر کے وہاں محصور کیا جائے گا،عالمی میڈیا نے اس منصوبے کو جنگی جرم قرار دیا ہے۔

معا نیوز ایجنسی کی رپورٹ کے مطابق صیہونی وزیر اعظم نیتن یاہو نے قابض وزیر جنگ اسرائیل کاتز کے غیر انسانی منصوبے سے اتفاق جس کے تحت غزہ کے لاکھوں فلسطینی رفح میں محصور کیے جائیں گے

یہ بھی پڑھیں:اسرائیل کا غزہ کے باشندوں کو جبری نقل مکانی کا منصوبہ

رپورٹ کے مطابق، ایک عبری ذرائع نے انکشاف کیا ہے کہ قابض وزیر اعظم بنیامین نیتن یاہو نے وزیر جنگ اسرائیل کاتز کے اس غیر انسانی اور متنازع منصوبے سے اتفاق کیا ہے جس کے تحت غزہ کے 20 لاکھ شہریوں کو جبری طور پر رفح کے تباہ حال علاقوں میں منتقل کر دیا جائے گا۔

ذرائع کے مطابق، اسرائیلی حکومت اور دیگر متعلقہ فریقین مل کر اس ویران علاقے کا انتظام سنبھالیں گے، برطانوی اخبار گارڈین نے اس منصوبے کو واضح طور پر ایک مجرمانہ اور غیر انسانی منصوبہ قرار دیا ہے۔

اس منصوبے کے تحت فلسطینیوں کو رفح کے اس علاقے میں داخلے سے پہلے سیکیورٹی چیک سے گزارا جائے گا اور پھر انہیں ہمیشہ کے لیے اسی علاقے تک محدود کر دیا جائے گا۔ یعنی وہ دوبارہ کبھی اس علاقے سے باہر نہیں نکل سکیں گے۔

مزید پڑھیں:ہم غزہ کے لوگوں کی جبری نقل مکانی کی اجازت نہیں دیں گے: اسپین

ابتدائی مرحلے میں تقریباً 6 لاکھ فلسطینی، جن میں سے زیادہ تر آوارگان المواصی ہیں، کو اس ویران علاقے میں منتقل کیا جائے گا۔ ماہرین کا کہنا ہے کہ اس منصوبے کا بنیادی مقصد غزہ کے فلسطینیوں کو بتدریج ان کے آبائی علاقوں سے بےدخل کرنا ہے۔