تم سائے سے کھیلتے ہو، ہم خود سایہ ہیں؛ہیکر گروپ کی صہیونی ریاست کو وارننگ

سچ خبریں:معروف ہیکر گروپ حنظلہ نے اسرائیلی فوج کے انٹیلیجنس ڈیپارٹمنٹ کے سربراہ کو ایک سخت انتباہی پیغام بھیجا ہے، جس میں کہا گیا ہے کہ صہیونی ریاست سرخ لکیر عبور کر چکی ہے اور اس کے نتائج ان کی تصور سے باہر ہوں گے۔

روئٹرز نیوز ایجنسی کی رپورٹ کے مطابق حنظلہ ہیکر گروپ نے صہیونی حکام کو وارننگ دیتے ہوئے کہا کہ ہمیں تمہاری حالیہ خفیہ آمد و رفت کا علم ہے، جب تم نے ایک حساس فوجی مرکز کا خفیہ دورہ کیا، ہمیں تمہاری ان سائبر آپریشنز کی نگرانی کا بھی علم ہے جو ایران کے خلاف انجام دی جا رہی ہیں،تم نے ایک ایسی طاقت کو بیدار کر دیا ہے جو تمہاری سوچ سے باہر ہے، یہ کوئی دھمکی نہیں ،ایک وعدہ ہے۔

یہ بھی پڑھیں: سائبر حملے کے بعد ہزاروں صیہونیوں کی ذاتی معلومات کا انکشاف

حنظلہ گروپ نے مزید خبردار کیا کہ تمہاری ڈیجیٹل دشمنی کے اقدامات ایسے نتائج لائیں گے جو گہرے اور وسیع ہوں گے، اور تمہارا آہنی گنبد بھی تمہیں ان سے بچا نہیں سکے گا۔

 ہم تم تک پہنچ چکے ہیں، تمہیں دیکھ رہے ہیں، انتظار میں ہیں اور ایک ایسے ردعمل کے لیے تیار ہیں جو تمہارے کنٹرول کے دائرے سے باہر ہے، تم سائے سے کھیلتے ہو لیکن ہم خود سایہ ہیں۔ تم اپنے اقدامات کا جواب دو گے، مگر نہ اُس طرح جیسا تم نے سوچا، اور نہ اُس میدان میں جسے تم سمجھتے ہو کہ کنٹرول میں ہے۔

مزید پڑھیں: صیہونی حکومت کے سربراہ بھی سائبر حملے کا شکار

یہ پیغام ایسے وقت میں سامنے آیا ہے جب اسرائیل کی سائبر کارروائیاں خطے میں بڑھتی جا رہی ہیں، اور ایران مخالف سرگرمیاں تیز ہو رہی ہیں۔