امریکہ کو کس نے ایران کے ساتھ مذاکرات پر مجبور کیا:عراقی تجزیہ کار

سچ خبریں:عراق کے سیاسی امور کے تجزیہ کار نے ایران اور امریکہ کے درمیان ہونے والے غیر مستقیم مذاکرات پر روشنی ڈالی ہے۔

عراقی نیوز ایجنسی المعلومه کی رپورٹ کے مطابق عراق کے سیاسی تجزیہ کار محمد علی نے اس بات پر زور دیا ہے کہ اگر صیہونی حکومت کسی ممکنہ جارحیت کی کوشش کرے تو ایران کی جانب سے متوقع ردعمل کے خطرے اور اس ردعمل کی نوعیت کو سمجھتے ہوئے امریکہ کو مذاکرات کا راستہ اپنانا پڑا۔

یہ بھی پڑھیں:ایران نے امریکہ کو بالواسطہ مذاکرات کی تجویز کیوں دی؟

انہوں نے مزید کہا کہ ایران، امریکہ کے ساتھ مذاکرات سے قبل جوہری معاہدے کے حوالے سے حقیقی ضمانتیں چاہتا تھا، ایرانی فریق نے امریکہ کے ساتھ ہونے والے ابتدائی غیر مستقیم مذاکرات کو مثبت اور باہمی احترام کے ماحول میں ہونے والا قرار دیا ہے۔

اس عراقی تجزیہ کار نے واضح کیا کہ ان مذاکرات میں ایرانی مذاکراتی ٹیم کی طرف سے کسی قسم کی رعایت نہیں دی گئی، اگرچہ امریکہ کے پاس خطے میں کشیدگی کو بڑھانے کے مختلف دباؤ کے ہتھکنڈے موجود ہیں، لیکن ایران کے پاس بھی ایسے مؤثر ذرائع موجود ہیں جن سے وہ صیہونی حکومت کو دھمکی دے سکتا ہے یا آبنائے ہرمز کو بند کر سکتا ہے۔

مزید پڑھیں:ایران امریکہ مذاکرات؛ 4 چیزوں پر ٹرمپ کا اتفاق

یہی وجہ ہے کہ تہران اس نتیجے پر پہنچا کہ امریکہ نے صیہونی حکومت کی کسی بھی ممکنہ جارحیت کے جواب میں ایرانی ردعمل کے خطرے کو مدنظر رکھتے ہوئے مذاکرات کی راہ اختیار کی ہے۔