صیہونی حملوں میں ہمارا کوئی کردار نہیں:ٹرمپ

سچ خبریں:امریکی صدر ڈونلڈ ٹرمپ نے دعویٰ کیا ہے کہ امریکہ نے ہفتہ کی شب ایران پر ہونے والے اسرائیلی حملے میں کوئی کردار ادا نہیں کیا، تاہم ایران کو پھر سنگین فوجی ردعمل کی دھمکی دی لیکن ایرانی حکام نے امریکہ کو اسرائیل کا شریک جرم قرار دیا ہے۔

امریکہ کے صدر ڈونلڈ ٹرمپ نے دعویٰ کیا ہے کہ ہفتے کی شب ایران پر ہونے والے اسرائیلی حملے میں واشنگٹن کا کوئی کردار نہیں تھا، انہوں نے یہ بات اپنے سوشل میڈیا پلیٹ فارم ٹروتھ سوشل پر پوسٹ کرتے ہوئے کہی۔

یہ بھی پڑھیں:برطانوی انسانی حقوق کی تنظیموں کی جانب سے اسرائیل کے ایران پر حملے کی شدید مذمت 

ٹرمپ نے لکھاکہ  ؤ ایران پر ہونے والے حالیہ حملے میں امریکہ نے کوئی کردار ادا نہیں کیا،تاہم ساتھ ہی انہوں نے اپنی پرانے انداز کی دھمکی دہی جاری رکھتے ہوئے کہا کہ اگر ایران نے کسی بھی صورت میں امریکہ پر حملہ کیا، تو ہم ایسا فوجی جواب دیں گے، جو تاریخ میں پہلے کبھی نہیں دیکھا گیا ہوگا۔

صدر امریکہ نے مزید دعویٰ کیا کہ اس کے باوجود، ہم آسانی سے ایران اور اسرائیل کے درمیان کوئی معاہدہ کرا سکتے ہیں تاکہ اس خونی جنگ کا خاتمہ ہو۔

یاد رہے کہ جمعہ ۲۳ خرداد ۱۴۰۴ کو صہیونی حکومت نے تہران اور دیگر شہروں پر دہشتگردانہ حملے کیے، جن کے نتیجے میں ایرانی فوجی کمانڈرز، سائنسدان اور عام شہری شہید ہوئے۔ ان حملوں میں شہران کا تیل ذخیرہ اور جنوبی تہران کا ایندھن ٹینک بھی نشانہ بنے۔

ایران نے اسی شب وعدہ صادق ۳ آپریشن کے تیسرے مرحلے میں شدید جوابی کارروائی کی، جس میں درجنوں ایرانی میزائل اور ڈرونز عید غدیر کی شب کو صہیونی اہداف پر برسائے گئے۔ یہ حملے یا علی ابن ابی طالب (ع) کے رمز کے ساتھ انجام دیے گئے اور اسرائیلی دفاعی نظام کو عبور کر کے اہم مقامات کو نشانہ بنایا۔

مزید پڑھیں:اسرائیلی حملے کی مذمت کرنے والے ممالک 

ایرانی وزارت خارجہ کے ترجمان اسماعیل بقایی نے واضح کیا کہ ایسے حالات میں، جب اسرائیل ہمارے شہریوں، سائنسدانوں اور تنصیبات کو نشانہ بنا رہا ہے، اور امریکہ اس جارحیت میں اس کا شریک ہے، تو کسی بھی قسم کی سفارتی بات چیت کا کوئی مطلب نہیں بنتا،انہوں نے مزید کہا کہ ہماری ترجیح اس وقت جارحیت کے جواب پر ہے، نہ کہ مذاکرات کے دھوکے پر۔