چین کے ساتھ جنگ کے لیے تیار ہیں:امریکی وزیر دفاع

?️ 6 مارچ 2025

سچ خبریں:امریکی وزیر دفاع پٹ ہگسٹ نے کہا کہ امریکہ، چین کے ساتھ ممکنہ فوجی تصادم کے لیے پوری طرح تیار ہے۔

آناتولی خبر رساں ادارہ کی رپورٹ کے مطابق، ڈونلڈ ٹرمپ کی جانب سے چین پر نئی تجارتی پابندیاں اور محصولات عائد کیے جانے کے بعد، بیجنگ نے سخت ردعمل کا اظہار کیا ہے۔

یہ بھی پڑھیں:چین کے ساتھ ممکنہ جنگ میں امریکہ کے اہم ہتھیار کتنے دن کے لیے ہیں؟

چین کی وزارت خارجہ کے ترجمان لین جیان نے خبردار کیا کہ چین کسی بھی قسم کے تجارتی یا فوجی تصادم کے لیے مکمل تیار ہے،
پٹ ہگسٹ نے اس کے جواب میں کہا کہ ہم ایک خطرناک دنیا میں رہ رہے ہیں، جہاں کچھ طاقتور ممالک تیزی سے اپنی فوجی صلاحیتیں بڑھا رہے ہیں، اگر ہمیں چین یا کسی اور کے ساتھ جنگ سے بچنا ہے، تو ہمیں طاقتور ہونا پڑے گا۔

ماہرین کے مطابق، چین کے ڈانگ فینگ بیلسٹک میزائل امریکی جنگی بیڑے، خاص طور پر ایئرکرافٹ کیریئرز کے لیے ایک سنگین خطرہ ہیں۔

نشنل انٹرسٹ میں شائع ہونے والے ایک تجزیے میں آیا کہ ڈانگ فینگ21 میزائل 1000 میل دور سے امریکی بحریہ کے بحری جہازوں کو نشانہ بنا سکتا ہے۔

یہ چین کی بڑھتی ہوئی میزائل صلاحیتوں کا ایک اہم حصہ ہے، جو مغربی بحرالکاہل میں امریکی نیوی کے غلبے کے لیے ایک بڑا چیلنج ہے۔

مزید پڑھیں: ہم ہر قسم کے جنگجوؤں کے ساتھ اپنا دفاع کریں گے: چین

دونوں ممالک کے درمیان تجارتی اور فوجی سطح پر تنازع بڑھنے کے اشارے مل رہے ہیں، چین کی بڑھتی ہوئی فوجی طاقت اور جدید ٹیکنالوجی کو امریکہ اپنے عالمی اثر و رسوخ کے لیے سنگین خطرہ سمجھ رہا ہے۔