امریکی سینیٹ کی جانب سے ایران کے خلاف ٹرمپ کے جنگی اختیارات محدود کرنے پر امریکی سنیٹر کا رد عمل

?️ 24 جون 2026

سچ خبریں:ایک سینئر امریکی سنیٹر نے ایران کے خلاف ڈونلڈ ٹرمپ کے جنگی اختیارات کو محدود کرنے والی قرارداد کی امریکی سینیٹ سے منظوری پر ردعمل دیتے ہوئے کہا ہے کہ کانگریس نے بالآخر اپنی ذمہ داری قبول کر لی ہے۔

امریکی سینیٹ نے ایک قرارداد منظور کرتے ہوئے صدر ڈونلڈ ٹرمپ کے ایران کے خلاف فوجی کارروائی کے اختیارات کو محدود کر دیا۔ برنی سینڈرز نے اس فیصلے کا خیرمقدم کرتے ہوئے کہا کہ کانگریس نے بالآخر اپنی آئینی ذمہ داری ادا کی ہے۔

سینئر امریکی سنیٹر برنی سینڈرز نے سماجی رابطے کے پلیٹ فارم ایکس پر ایک پیغام جاری کرتے ہوئے امریکی سینیٹ میں جنگی اختیارات کو محدود کرنے والی قرارداد کی منظوری پر ردعمل ظاہر کیا۔

ریاست ورمونٹ سے تعلق رکھنے والے سنیٹر نے اپنے پیغام میں لکھا کہ کانگریس نے آخرکار وہ کام انجام دے دیا جو اسے کئی ماہ پہلے کر دینا چاہیے تھا۔ اس نے ٹرمپ سے ایران کے خلاف جنگ ختم کرنے کا مطالبہ کرتے ہوئے اس کے حق میں ووٹ دیا۔

برنی سینڈرز نے مزید کہا کہ آئین بالکل واضح ہے کہ صدور یکطرفہ طور پر ملک کو جنگ میں نہیں جھونک سکتے۔ یہ ذمہ داری کانگریس کی ہے اور کانگریس نے بالآخر اپنی آئینی ذمہ داری ادا کر دی ہے۔

چند گھنٹے قبل امریکی سینیٹ نے ایک ایسے مسودے کی منظوری دی جس کے تحت امریکی صدر ڈونلڈ ٹرمپ ایران کے خلاف کسی بھی فوجی کارروائی کے مجاز نہیں ہوں گے، جب تک کہ وہ اس سے قبل کانگریس سے باقاعدہ اجازت حاصل نہ کریں۔

جنگی اختیارات سے متعلق یہ قرارداد 48 مخالف ووٹوں کے مقابلے میں 50 موافق ووٹوں سے امریکی سینیٹ میں منظور کی گئی۔

یہ مسودہ جنگی اختیارات کے قانون کے تحت تیار کیا گیا ہے اور اس میں فوجی تنازعات میں امریکہ کی شمولیت سے متعلق فیصلوں میں کانگریس کے کردار پر زور دیا گیا ہے۔

اس سے قبل امریکی ایوان نمائندگان نے بھی ایک غیر معمولی اقدام کرتے ہوئے ڈیموکریٹ اراکین کی جانب سے پیش کی گئی اس قرارداد کے حق میں ووٹ دیا تھا جس کا مقصد ایران کے خلاف ٹرمپ کے جنگی اختیارات کو محدود کرنا تھا۔