امریکہ چین سے رابطے کی کوشش کر رہا ہے؛چینی میڈیا کا دعویٰ 

سچ خبریں:چین کے سرکاری میڈیا نے دعویٰ کیا ہے کہ امریکہ مختلف ذرائع اور چینلز کے ذریعے بیجنگ سے رابطے قائم کرنے اور تجارتی مذاکرات شروع کرنے کی کوششوں میں مصروف ہے۔

المیادین نیوز چینل کی رپورٹ کے مطابق، چینی ریڈیو اور ٹیلی ویژن کی سرکاری ایجنسی سے منسلک سوشل میڈیا پلیٹ فارم یویوان تانتیان نے رپورٹ کیا ہے کہ امریکہ نے چین کے ساتھ رابطوں کا آغاز کیا ہے اور کچھ دوطرفہ بات چیت کی پیش رفت بھی واشنگٹن کی طرف سے ہوئی ہے۔

یہ بھی پڑھیں:عالمی معیشت کے سر پر لٹکتی تلوار: امریکہ اور چین کے درمیان محصولاتی جنگ کہاں جا کر رکے گی؟  

رپورٹ میں کہا گیا ہے کہ سابق صدر ڈونلڈ ٹرمپ کے ان دعوؤں کے برعکس کہ چین کو مذاکرات کی جلدی ہے، حقیقت یہ ہے کہ امریکہ اس وقت شدید دباؤ میں ہے اور اسے مذاکرات کی زیادہ ضرورت ہے۔

چینی میڈیا کے مطابق، امریکہ نے کچھ وقت پہلے چین سے تجارتی ٹیرف پر مذاکرات کی امید میں رابطہ قائم کیا، اور وہ اب بھی مختلف ذرائع سے اس رابطے کو جاری رکھے ہوئے ہے۔

رپورٹ میں یہ بھی کہا گیا ہے کہ موجودہ حالات میں امریکہ معاشی دباؤ، اندرونی سیاسی تنقید اور عوامی رائے عامہ کے شدید دباؤ کا شکار ہے، جس کی وجہ سے وہ مذاکرات پر آمادگی دکھا رہا ہے۔

چینی ذرائع کے مطابق، چونکہ امریکہ کی جانب سے کوئی ٹھوس اقدامات سامنے نہیں آئے، اس لیے چین کو فی الحال مذاکرات شروع کرنے کی کوئی ضرورت محسوس نہیں ہو رہی۔

مزید پڑھیں: چین اور امریکہ کشیدگی کم کرنے کے راستے پر

دوسری جانب، امریکی صدر نے گزشتہ شب اپنے ایک بیان میں کہا کہ مجھے امید ہے کہ ہم کسی مرحلے پر چین سے معاہدہ کر لیں گے۔ ہم چین سے مذاکرات کر رہے ہیں۔

تاہم انہوں نے دعویٰ بھی کیا کہ چین میں فیکٹریاں بند ہو رہی ہیں کیونکہ ہم ان کی مصنوعات نہیں خرید رہے!