امریکہ عراقی افواج کو مسلح ہونے کی اجازت نہیں دیتا:عراقی ماہر

سچ خبریں:عراقی سکیورٹی امور کے ماہر کاظم الجحیشی نے انکشاف کیا ہے کہ امریکہ، عراق کی افواج کو جدید اسلحہ سے لیس کرنے کے عمل میں رکاوٹ ڈال رہا ہے اور دوسرے ممالک سے دفاعی معاہدے کرنے پر بھی دباؤ ڈال رہا ہے، حتیٰ کہ چین و فرانس سے خریداری بھی امریکی منظوری سے مشروط ہے۔

المعلومه عراقی خبر رساں ادارے کی رپورٹ کے مطابق عراقی سکیورٹی امور کے ماہر کاظم الجحیشی نے انکشاف کیا ہے کہ امریکہ عراقی سیکیورٹی فورسز کو اسلحے سے لیس کرنے کے عمل میں رکاوٹیں ڈال رہا ہے اور انہیں دیگر ممالک کے ساتھ دفاعی معاہدے کرنے سے روک رہا ہے۔

یہ بھی پڑھیں: امریکہ عراق اور شام سے کیا چاہتا ہے؟

رپورٹ کے مطابق، الجحیشی نے واضح کیا کہ واشنگٹن کی جانب سے عراق پر پابندیاں اس حد تک عائد ہیں کہ بغداد چین جیسے ممالک کے ساتھ بھی دفاعی معاہدے طے نہیں کر سکتا۔

انہوں نے کہا کہ یہ حقیقت کہ عراق چین سے اسلحہ نہیں خریدتا، امریکی دباؤ کی واضح علامت ہے۔ اس کا مطلب یہ ہے کہ بغداد کو ہر دفاعی معاہدے کے لیے واشنگٹن سے اجازت لینا ہوتی ہے۔

ماہر سکیورٹی نے مزید وضاحت کی کہ یہ پابندیاں صرف چین تک محدود نہیں بلکہ دنیا کے وہ تمام ممالک جن سے امریکہ خوش نہیں، ان سے بھی عراق کو اسلحہ خریدنے سے روکا جاتا ہے۔ یہاں تک کہ فرانس سے ہتھیار خریدنے کے لیے بھی امریکہ کی منظوری درکار ہوتی ہے۔

مزید پڑھیں: امریکہ، عراق میں بجلی کے بحران کی سب سے بڑی وجہ

قابل ہے کہ حالیہ دنوں میں عراق کے عوام نے اس وقت سخت ردعمل ظاہر کیا جب صہیونی رژیم نے ایران پر حملوں میں عراق کی فضائی حدود استعمال کیں۔ عوام نے حکومت اور پارلیمنٹ سے مطالبہ کیا کہ وہ ملکی فضائی حدود کے تحفظ کے لیے ضروری دفاعی سازوسامان فوری طور پر خریدے۔