امریکہ اور چین کے تعلقات ایک نازک موڑ پر ہیں:چین

?️ 4 جون 2025

سچ خبریں:چینی وزیر خارجہ وانگ یی نے کہا ہے کہ چین اور امریکہ کے تعلقات ایک حساس دو راہے پر پہنچ چکے ہیں، اور باہمی احترام ان تعلقات کی بحالی کے لیے کلیدی شرط ہے۔

قطر کے نشریاتی ادارے الجزیرہ کی رپورٹ چین کے وزیر خارجہ وانگ یی نے کہا ہے کہ امریکہ اور چین کے درمیان تعلقات ایک نازک اور حساس موڑ پر پہنچ چکے ہیں، اور ان کی بہتری کے لیے واشنگٹن کو ضروری اقدامات کرنے ہوں گے۔

یہ بھی پڑھیں: کیا امریکہ اور چین کے درمیان کشیدگی کم ہو رہی ہے؟

رپورٹ کے مطابق، چینی وزیر خارجہ وانگ یی نے منگل کے روز اپنے بیان میں کہا کہ امریکہ اور چین کے تعلقات ایک اہم دوراہے پر کھڑے ہیں۔ واشنگٹن کو چاہیے کہ وہ باہمی تعلقات کو درست سمت میں واپس لانے کے لیے مناسب ماحول اور شرائط پیدا کرے۔

وانگ یی نے اس بات پر زور دیا کہ بیجنگ اور واشنگٹن کے درمیان تعاون اور مکالمہ ہی واحد درست راستے ہیں،انہوں نے مزید کہا کہ احترامِ باہمی امریکہ اور چین کے درمیان تعلقات کا ایک کلیدی تقاضا ہے۔

جنیوا میں ہونے والے مذاکرات کے بعد چین نے اس پر نہایت سنجیدگی اور باریک بینی سے عمل کیا ہے، اور ہمیں امید ہے کہ واشنگٹن بھی اپنے وعدوں کی پاسداری کرے گا۔

مزید پڑھیں: امریکہ اور چین دنیا کے لیے سب سے بڑا خطرہ ہیں:ہنری کسنجر

واضح رہے کہ امریکہ اور چین کے درمیان کشیدگی اُس وقت شدت اختیار کر گئی تھی جب سابق صدر ڈونلڈ ٹرمپ نے مختلف ممالک، خصوصاً چین سے درآمدات پر بھاری کسٹم ٹیرف عائد کرنے کا اعلان کیا تھا۔