امریکہ کا ایران پر حملہ؛ عالمی سطح پر مذمتوں کی لہر

سچ خبریں:امریکہ کے ایران پر حملے کے بعد دنیا بھر میں شدید مذمت کی لہر دوڑ گئی، اقوام متحدہ، پاکستان، عرب ممالک، امریکی کانگریس اور مزاحمتی تنظیموں نے اسے بین الاقوامی قانون کی خلاف ورزی اور خطرناک اقدام قرار دیا۔

امریکہ کی جانب سے ایران کی جوہری تنصیبات پر کیے گئے حملے نے دنیا بھر میں شدید تشویش اور ردعمل کو جنم دیا ہے۔ ماہرین اسے نہ صرف بین الاقوامی قوانین کی کھلی خلاف ورزی بلکہ ایک خطرناک اور اشتعال انگیز اقدام قرار دے رہے ہیں جو پورے مشرق وسطیٰ کو جنگ کی نئی دلدل میں دھکیل سکتا ہے۔

یہ بھی پڑھیں:امریکہ کا جنگ میں داخل ہونا ایران کے لیے خطرہ ہے یا موقع؟

 نانسی پلوسی (سابق اسپیکر امریکی ایوان نمائندگان)

  صدر ٹرمپ کو امریکی جانوں کو خطرے میں ڈالنے والے اقدامات کا جواب دینا ہوگا۔ یہ حملہ غیر ذمہ دارانہ ہے۔

  ٹرمپ نے مشرق وسطیٰ میں امن کا وعدہ کیا، مگر جنگ چھیڑ دی۔

  ہمارا ملک جنگ کا عادی ہو چکا ہے، مزید غلطی نہ دہرائیں۔

  یہ حملہ نہ صرف غیر آئینی ہے بلکہ امریکہ کو ایک اور نہ ختم ہونے والی جنگ میں دھکیل سکتا ہے۔

  یہ محض ایک نمائشی حملہ تھا جس کا مقصد ٹرمپ کی سیاسی ساکھ بچانا تھا۔

  ہم خطے کی کشیدہ صورتحال پر گہری نظر رکھے ہوئے ہیں۔ عالمی برادری فوری سیاسی حل کی کوشش تیز کرے۔

 عراق

  ایران کی جوہری تنصیبات پر حملہ مشرق وسطیٰ کے امن کے لیے شدید خطرہ ہے۔

  امریکہ کے ساتھ ہمارا معاہدہ اب ختم ہو چکا۔ ہم امریکی افواج کو بحیرہ احمر میں نشانہ بنائیں گے۔

    یہ حملہ تمام مسلم امہ پر حملے کے مترادف ہے۔

    امریکہ ایک بار پھر اسرائیل کی دہشتگردی کا شریک کار بن گیا ہے۔

    یہ حملہ صہیونی منصوبوں کے پیچھے اندھی تقلید اور بین الاقوامی قانون کی صریح خلاف ورزی ہے۔

 پاکستان 

پاکستانی پارلیمانی دفاعی کمیٹی کے سربراہ:

  یہ حملہ ایک جنگی جرم ہے اور بین الاقوامی قوانین کی کھلی خلاف ورزی ہے۔

  امریکہ کا اقدام نہایت خطرناک ہے اور عالمی امن کو براہ راست خطرے میں ڈال رہا ہے۔

 کیوبا

  یہ حملہ غیر قانونی، غیر ذمہ دارانہ اور خطے میں کشیدگی کو سنگین حد تک بڑھا سکتا ہے۔

  یہ حملہ مشرق وسطیٰ کو آگ کی لپیٹ میں لے آئے گا۔

  امریکی حکام کے مطابق ایران کا ردعمل کسی بھی لمحے ممکن ہے، جس میں تنگہ ہرمز کی بندش جیسے سخت اقدامات بھی شامل ہو سکتے ہیں۔

 نتیجہ

مزید پڑھیں:امریکہ اسرائیلی جارحیت میں شریک ہے، جس مقام سے حملہ ہوگا اسی جگہ جواب دیں گے، ایرانی سفیر

امریکہ کے حالیہ اقدام نے دنیا کو ایک نئی عالمی بحران کی دہلیز پر لا کھڑا کیا ہے۔ وسیع البنیاد بین الاقوامی مذمت اس بات کا اشارہ ہے کہ عالمی برادری اس حملے کو غیر اخلاقی، غیر قانونی اور غیر ذمہ دارانہ قرار دے چکی ہے۔ ایران کا ردعمل، اور اس کے بعد پیدا ہونے والی صورتحال، آئندہ دنوں میں دنیا کے امن اور سیاست پر گہرے اثرات ڈال سکتی ہے۔