امریکی کانگریس میں ہنگامہ خیز اجلاس؛ ٹرمپ کا دعویٰ عقل سے عاری

سچ خبریں:امریکی کانگریس میں ایران پر حملے پر ہنگامہ کھڑا ہو گیا، سینیٹرز نے ٹرمپ کے دعوے کو غیر منطقی قرار دے دیا،

امریکی کانگریس کے اجلاس میں سینیٹرز نے ایران کے خلاف حملے کو مؤثر قرار دینے کے ٹرمپ کے دعوے کو مسترد کر دیا۔ سینیٹر مورفی اور دیگر کا کہنا ہے کہ ایران کا جوہری پروگرام مکمل طور پر تباہ نہیں ہوا، صرف چند ماہ پیچھے چلا گیا ہے۔

یہ بھی پڑھیں:امریکہ کا جنگ میں داخل ہونا ایران کے لیے خطرہ ہے یا موقع؟

الجزیرہ نیوز چینل کی رپورٹ کے مطابق، امریکی کانگریس میں ایک بند کمرے کا ہنگامہ خیز اجلاس منعقد ہوا، جس میں ٹرمپ انتظامیہ کے اعلیٰ حکام سے ایران پر امریکی حملے سے متعلق وضاحت طلب کی گئی،یہ اجلاس ایک ایسے وقت میں ہوا جب ٹرمپ حکومت کے حکام ایک روز قبل ایران کی جوہری تنصیبات پر امریکی حملوں کے محدود اثرات سے متعلق رپورٹس کو رد کرتے رہے تھے،سینیٹر کرس مورفی، جو ڈیموکریٹ پارٹی اور کانگریس کی انٹیلیجنس کمیٹی کے رکن ہیں، نے اجلاس کے بعد صحافیوں سے بات کرتے ہوئے کہا:

 ٹرمپ حکومت کی طرف سے ہمیں ایسی کوئی نئی معلومات نہیں دی گئیں جن سے یہ ثابت ہو کہ ایران کا جوہری پروگرام مکمل طور پر تباہ ہو چکا ہے،انہوں نے مزید کہا کہ ایسا لگتا ہے کہ ہم محض ایران کے جوہری پروگرام کو چند ماہ کے لیے مؤخر کرنے میں کامیاب ہوئے ہیں۔

انہوں نے ٹرمپ کے دعوے کو غیر منطقی قرار دیتے ہوئے کہا کہ یہ کہنا کہ ایران کا پروگرام مکمل طور پر تباہ ہو چکا ہے، حقیقت سے دور اور عقل سے مطابقت نہیں رکھتا،مورفی نے اس بات پر بھی اعتراض کیا کہ اس حساس بریفنگ میں امریکی ڈائریکٹر آف نیشنل انٹیلیجنس موجود نہیں تھے، جسے انہوں نے شفافیت کی کمی قرار دیا، سینیٹر مارک وارنر (ڈیموکریٹ رہنما) نے خبردار کیا کہ حکومت شاید ان حملوں کے اثرات کی جلد بازی میں تشخیص کر رہی ہے۔ ہمیں ابھی بھی جامع اور تفصیلی رپورٹ کی ضرورت ہے۔

 سینیٹر چک شومر (سینیٹ میں اقلیتی رہنما) نے کہا کہ ایران کو ایٹمی ہتھیار حاصل کرنے سے روکنے کے لیے حکومت کے پاس کوئی واضح حکمت عملی یا مؤثر منصوبہ نہیں ہے، سینیٹر رچرڈ بلومینتھال نے کہا کہ ایران کے جوہری پروگرام کو ‘نابود’ کہنا انتہائی مبالغہ آمیز ہے، اور ہمیں مزید باریک بینی سے تجزیہ درکار ہے،یہ تنقیدی بیانات ایسے وقت سامنے آ رہے ہیں جب عالمی ذرائع ابلاغ نے پہلے ہی انکشاف کیا تھا کہ امریکی حملے صرف ایران کے جوہری انفراسٹرکچر کے کچھ حصوں کو نقصان پہنچا سکے، مکمل تباہی کا دعویٰ درست نہیں۔

مزید پڑھیں:ایرانیوں نے امریکہ اور اسرائیل کا بھرم کیسے ختم کیا؟

تاہم، ٹرمپ انتظامیہ نے بغیر کسی مستند ثبوت کے ان رپورٹس کو مکمل طور پر رد کرتے ہوئے دعویٰ کیا تھا کہ ایران کا جوہری پروگرام مکمل طور پر ختم کر دیا گیا ہے،یہ کانگریسی اجلاس واضح کرتا ہے کہ امریکہ میں اعلیٰ سیاسی سطح پر بھی ایران کے خلاف کارروائی کی سچائی پر شدید سوالات اٹھ رہے ہیں۔ ٹرمپ حکومت کی شفافیت میں کمی اور غیر مستند دعوے، واشنگٹن کی عالمی ساکھ کو مزید کمزور کر سکتے ہیں۔