عراق میں ترک فوجیوں کی کوئی گنجائش نہیں؛عراقی پارلیمانی اتحاد   

سچ خبریں:عراقی پارلیمانی اتحاد الصادقون کے نمائندے نے عراق میں ترکی کی فوجی موجودگی کے خلاف اپنے ملک کی واضح مخالفت پر زور دیا ہے۔  

الموعودہ نیوز ایجنسی کی رپورٹ کے مطابق عراقی پارلیمانی اتحاد الصادقون کے رکن پارلیمان رفیق الصالحی نے ہفتے کے روز زور دے کر کہا کہ عراقی پارلیمان پہلے ہی غیر ملکی فوجیوں، خاص طور پر امریکی اور ترک فوجوں کی موجودگی ختم کرنے کی ضرورت پر زور دے چکی ہے۔

یہ بھی پڑھیں:کیا ترکی عراق میں شام کے منظر نامے کو دہرانا چاہتا ہے؟

انہوں نے مزید کہا کہ یہ ایک حتمی فیصلہ ہے اور اس پر کوئی سیاسی بحث یا سمجھوتا نہیں ہوگا۔

الصالحی نے کہا کہ ہم عراق کے شمالی علاقوں میں ترک فوجیوں کی مسلسل موجودگی کے خلاف سیاسی اور عوامی سطح پر شدید مخالفت دیکھ رہے ہیں،یہ اقدام عراق کی قومی خودمختاری کی کھلی خلاف ورزی ہے۔

مزید پڑھیں:ہمیں امریکی فوجیوں کی ضرورت نہیں ہے: عراقی وزیر اعظم

انہوں نے واضح کیا کہ ہمارا ملک غیر ملکی فوجیوں کے بغیر بھی اپنی سلامتی کو یقینی بنانے کی مکمل صلاحیت رکھتا ہے۔