صہیونیوں کے ہاتھوں شامی عوام کی سلامتی خطرے میں

?️ 6 جنوری 2025

سچ خبریں:رپورٹس کے مطابق، صہیونی فورسز نے جنوبی شام میں اپنی موجودگی مستحکم کرنے کے لیے ریف دمشق، قنیطرہ اور درعا کے مغربی علاقوں میں چیک پوسٹس کے درمیان رابطے کے لیے راستے بنا لیے ہیں۔

المیادین نیوز چینل کی رپورٹ کے مطابق، صہیونی فوج نے جنوبی شام میں چیک پوسٹس بنائی ہیں اور ان کے ارد گرد کیمروں اور کنکریٹ کے بلاکس لگا کر اپنی پوزیشن مضبوط کر رہی ہے۔

یہ بھی پڑھیں: شام کا مستقبل اسرائیلی جارحیت اور امریکی بلیک میلنگ کی لپیٹ میں

صہیونی فورسز نے سد المنطرہ سمیت جنوبی شام کے چھ اہم آبی ذرائع پر کنٹرول حاصل کر لیا ہے، جس سے دمشق اور جنوبی شام کے علاقوں کی آبی سلامتی کو شدید خطرہ لاحق ہے۔

مقامی ذرائع نے اطلاع دی ہے کہ صہیونی فورسز نے جبل الشیخ کی بلندیوں پر گشت شروع کر دی ہے، جو لبنان کے علاقے نبطیہ پر نظر رکھتی ہیں۔

مزید پڑھیں: کیا الجولانی حکومت کو اسرائیل سے کوئی مسئلہ ہے؟دمشق کے گورنر کا اہم اعلان

یہ اقدامات شامی عوام کے لیے مزید مشکلات پیدا کر رہے ہیں، خاص طور پر پانی کی قلت کے حوالے سے، تاہم صیہونیوں کی اس جارحیت کے خلاف الجولانی حکومت کا ابھی تک کوئی ردعمل سامنے نہیں آیا ہے شاید وہ صیہونیوں کے کیے ہوئے اپنے وعدے کی خلاف ورزی نہیں کرنا چاہتے ہیں کہ ہمیں صیہونی حکومت سے کوئی مسئلہ نہیں ہے۔