نیتن یاہو کے ایران مخالف جھوٹ کا اصل مقصد ؛کیوبا کا انکشاف

سچ خبریں:کیوبا کے وزیر خارجہ برونو روڈریگز نے انکشاف کیا ہے کہ نیتن یاہو 30 برسوں سے ایران کے ایٹمی ہتھیاروں کے بارے میں جھوٹ پھیلا رہے ہیں، جس کا اصل مقصد ایران میں امریکی فوجی مداخلت کی راہ ہموار کرنا ہے۔

کیوبا کے وزیر خارجہ برونو روڈریگز نے واضح طور پر کہا ہے کہ اسرائیلی وزیر اعظم بنیامین نیتن یاہو اور ان کے حامی پچھلے 30 برسوں سے ایران کے جوہری ہتھیار رکھنے کے متعلق مسلسل جھوٹ بول رہے ہیں۔

یہ بھی پڑھیں:ایرانیوں نے امریکہ اور اسرائیل کا بھرم کیسے ختم کیا؟

الجزیرہ نیوز چینل کی رپورٹ کے مطابق، پیر کے روز کیوبا کے وزیر خارجہ نے اپنے بیان میں کہا کہ گزشتہ 30 برسوں سے نیتن یاہو اور ان کے حامی مسلسل یہ جھوٹا دعویٰ کر رہے ہیں کہ ایران کے پاس ایٹمی ہتھیار ہیں۔

انہوں نے مزید کہا کہ ان جھوٹے دعووں کا واضح مقصد امریکی فوجی مداخلت کی راہ ہموار کرنا ہے تاکہ اس قوم کو نقصان پہنچایا جائے جس کی تہذیب ہزاروں سال پرانی ہے اور جو ہمیشہ سے ایک آزاد فلسطینی ریاست کے قیام کی تاریخی طور پر حامی رہی ہے۔

مزید پڑھیں:امریکہ اور اسرائیل کا حساب، ایران نے کھیل کا رخ موڑا

واضح رہے کہ حال ہی میں اسرائیل نے امریکہ کے تعاون سے اقوام متحدہ کے چارٹر کے خلاف ورزی کرتے ہوئے ایران پر حملہ کیا تھا۔ اس حملے کے جواب میں ایران نے اقوام متحدہ کے چارٹر کی دفعہ 51 کے تحت بھرپور دفاع کرتے ہوئے دشمن کو پسپائی پر مجبور کر دیا تھا، امریکہ اور اسرائیل کے اس اقدام کی عالمی سطح پر شدید مذمت بھی کی گئی تھی۔