نیویارک ٹائمز کے ہاتھوں صیہونی حکومت کے جھوٹے دعوے  بے نقاب  

سچ خبریں:امریکی اخبار نیویارک ٹائمز نے ایک ویڈیو جاری کر کے صیہونی ریاست کے جھوٹے دعوؤں کو بے نقاب کر دیا ہے۔  

الجزیرہ نیوز چینل کی رپورٹ کے مطابق نیویارک ٹائمز نے رپورٹ دی ہے کہ انہیں ایک امدادی کارکن کے موبائل فون سے ایک ویڈیو دستیاب ہوئی ہے جو ثابت کرتی ہے کہ صیہونی ریاست نے غزہ کے جنوبی شہر رفح میں امدادی کارکنوں کے قتل عام کے بارے میں جھوٹ بولا تھا۔

یہ بھی پڑھیں:صیہونی حکومت امدادی کارکنوں اور صحافیوں پر حملے کیوں کرتی ہے؟  

رپورٹ کے مطابق، اس ویڈیو میں واضح طور پر دیکھا جا سکتا ہے کہ امدادی کارکن اور گاڑیاں مکمل نشانات اور روشن لائٹس کے ساتھ چل رہے تھے، لیکن صیہونی قبضہ کاروں نے انہیں نشانہ بنایا۔

ان کارکنوں کو صیہونی افواج کے ہاتھوں شہادت کے بعد اجتماعی قبروں میں دفن کر دیا گیا تھا۔

اس سے قبل صیہونی ریاست نے دعویٰ کیا تھا کہ یہ گاڑیاں اور امدادی کارکن ضروری نشانات کے بغیر اور بند لائٹس کے ساتھ چل کر رہے تھے۔

مزید پڑھیں:صیہونیوں نے غزہ کے طبی بنیادی ڈھانچے کے ساتھ کیا کیا ہے؟غزہ کے صحرائی اسپتالوں کے ڈائریکٹر کا انٹرویو

فلسطینی ریڈ کریسنٹ نے گزشتہ اتوار کو 14 شہداء کی لاشیں دریافت کیں، جن میں 8 امدادی کارکن اور 5 شہری دفاع کے ارکان شامل تھے۔