سچ خبریں: صہیونی میڈیا نے اطلاع دی ہے کہ صہیونی ریاست کے اپوزیشن لیڈر نے اس ریاست میں صورتحال کی بگڑتی ہوئی حالت کے حوالے سے خبردار کیا ہے۔
صہیونی ریاست کے چینل 12 نے رپورٹ کیا کہ اس ریاست کے اپوزیشن لیڈر نے کابینہ کے وزراء، سوائے ایتمار بن گویر اور اسموٹریچ (جو بالترتیب داخلی سلامتی اور خزانے کے وزیر ہیں)، کو ایک خط میں اس ریاست کے بکھرنے کے خطرے سے آگاہ کیا ہے۔
یہ بھی پڑھیں: صیہونی ریاست کی تباہی کی نشانیاں
یائیر لاپڈ نے اپنے خط میں اس بات پر زور دیا ہے کہ غزہ میں اسرائیلی قیدی ایک کے بعد ایک قتل ہو رہے ہیں اور فوج اپنے گہرے ترین بحران کا سامنا کر رہی ہے۔
لاپڈ نے کابینہ کے اراکین کو مخاطب کرتے ہوئے کہا کہ آپ اسرائیل کی تاریخ کے سب سے بڑے بحران اور تباہی میں شریک ہیں اور اس کابینہ کے ہر فیصلے کے لیے ذمہ دار ہیں۔
مزید پڑھیں: صیہونی سربراہ کا صیہونی ریاست کی تباہی کا انتباہ
صیہونی اپوزیشن لیڈر نے مزید کہا کہ نیتن یاہو اپنی کابینہ کے بکھرنے کے خوف کی وجہ سے معاہدے تک پہنچنے سے روکنے کے لیے فیلادلفیا کے محور کو بہانہ بنا رہا ہے۔
