پاکستانی پارلیمنٹ کی ایران اور آیت اللہ خامنہ ای سے بے مثال یکجہتی

سچ خبریں:پاکستانی پارلیمنٹ میں امریکہ و اسرائیل کی جارحیت کے خلاف ایران اور رہبر انقلاب آیت اللہ خامنہ ای کے حق میں تاریخی مظاہرہ کیا گیا، مختلف سیاسی جماعتوں کے نمائندگان نے تصاویر و بینرز کے ساتھ حمایت کا اعلان کیا۔

پارلیمنٹ پاکستان میں ایک تاریخی اور بے مثال اقدام دیکھنے میں آیا جب اراکینِ اسمبلی نے امریکہ اور اسرائیل کی ایران پر جارحیت کے خلاف بھرپور احتجاج کیا اور ایران و رہبر انقلاب اسلامی آیت اللہ خامنہ ای کے ساتھ واضح و قاطع حمایت کا اعلان کیا۔

یہ بھی پڑھیں:پاکستان کو کھل کر ایران کے ساتھ کھڑا ہو جانا چاہیے، مولانا فضل الرحمٰن

پارلیمان کے اجلاس میں مختلف سیاسی جماعتوں کے نمائندے، خصوصاً مجلس وحدت مسلمین پاکستان، پاکستان پیپلز پارٹی، اور تحریک انصاف (پی ٹی آئی) کے ارکان نے ایران سے وفاداری کا مظاہرہ کرتے ہوئے تصاویرِ رہبر معظم انقلاب اور بینرز اٹھا رکھے تھے، جن پر درج تھا:

امریکہ مردہ باد، اسرائیل مردہ باد؛یہ نعرے نہ صرف پارلیمان کے اندر لگائے گئے بلکہ میڈیا کیمروں کے سامنے ایران کے حق میں بھرپور یکجہتی کا پیغام بھیجنے کا ذریعہ بنے۔

پاکستانی نمائندوں نے اپنے بیانات میں کہا کہ ہم ایران کے ساتھ کھڑے ہیں،آیت اللہ خامنہ ای امت مسلمہ کے وقار کی علامت ہیں اور امریکہ و اسرائیل کی تجاوزات ناقابلِ قبول ہیں۔

اس نایاب مظاہرے کو اندرون و بیرون ملک میڈیا میں وسیع کوریج ملی ہے اور مبصرین اسے خطے میں نئی سطح کی سیاسی اور عوامی حمایت کا مظہر قرار دے رہے ہیں۔

مزید پڑھیں:پاکستان کی اسرائیلی جارحیت کی شدید مذمت، ایران سے مکمل یکجہتی کا اظہار

 تجزیہ کاروں کے مطابق، یہ مظاہرہ صرف پاکستان کی سیاسی جماعتوں کا ردعمل نہیں، بلکہ عوامی احساسات کی عکاسی بھی ہے۔