نیتن یاہو عارضی جنگ بندی کے لیے تیار:صیہونی میڈیا

سچ خبریں:صہیونی ذرائع کے مطابق قابص وزیراعظم نیتن یاہو غزہ میں حماس کے ساتھ عارضی جنگ بندی کے لیے آمادہ ہیں، لیکن اس کے ساتھ ہی انہوں نے مذاکرات کی ناکامی کا الزام حماس پر عائد کیا ہے۔ مکمل تفصیل پڑھیں۔

صہیونی میڈیا کے مطابق، قابض وزیراعظم بنیامین نیتن یاہو نے خفیہ اجلاسوں میں عندیہ دیا ہے کہ وہ غزہ میں حماس کے ساتھ ایک عارضی جنگ بندی کے لیے آمادہ ہیں، بشرطیکہ یہ جنگ بندی ان کے سیاسی اتحاد یا کابینہ کو کمزور نہ کرے۔

یہ بھی پڑھیں:ٹرمپ نیتن یاہو کی تیسری ملاقات پر غزہ جنگ کا شدید سایہ عارضی جنگ بندی یا جنگ کا خاتمہ

صہیونی روزنامہ والا نے اپنے ذرائع کے حوالے سے خبر دی ہے کہ نیتن یاہو نے بند دروازوں کے پیچھے منعقدہ اجلاسوں میں کہا ہے کہ غزہ میں ایک معاہدہ ممکن ہے، مگر یہ معاہدہ ان کی حکومت کو خطرے میں نہیں ڈالے گا۔

مزید بتایا گیا ہے کہ نیتن یاہو نے اپنے سخت گیر اتحادیوں ایتامار بن گویر (وزیر داخلہ) اور بیتسلئیل اسموتریچ (وزیر خزانہ) سے ملاقات کی اور انہیں یقین دلایا کہ اگر جنگ بندی کا معاہدہ طے پا جاتا ہے تو ان کے اتحاد کو کوئی سیاسی نقصان نہیں ہوگا۔

ریڈیو اسرائیل کی رپورٹ کے مطابق، نیتن یاہو نے کابینہ کے اجلاس میں کہا کہ وہ عارضی آتش‌بس کے لیے آمادہ ہیں، تاہم انہوں نے زور دیا کہ کسی بھی معاہدے کے بعد جنگ دوبارہ شروع کی جا سکتی ہے۔

قیدیوں کے تبادلے پر جاری مذاکرات کے حوالے سے متضاد بیانات کا سلسلہ جاری ہے، نیتن یاہو نے حالیہ بیان میں دعویٰ کیا کہ حماس نے امریکی نمائندے اسٹیو وٹکاف اور دیگر ثالثوں کی جانب سے پیش کردہ تجاویز کو مسترد کر دیا ہے۔

ان کا کہنا تھا کہ میں نے امریکی اور ثالثوں کی تجاویز کو قبول کیا، مگر حماس نے دونوں کو رد کر دیا۔

نیتن یاہو نے مزید الزام لگایا کہ حماس ناصرف غزہ میں اپنی موجودگی برقرار رکھنا چاہتی ہے، بلکہ خود کو دوبارہ مسلح بھی کرنا چاہتی ہے، جو کہ اسرائیل کے لیے ناقابلِ قبول ہے۔

نیتن یاہو نے اسرائیلی میڈیا پر الزام عائد کیا کہ وہ حماس کے بیانیے کو دہرا رہا ہے اور اس کی کابینہ کو مذاکرات کی ناکامی کا ذمہ دار ٹھہرا رہا ہے۔

یاد رہے کہ آخری بار 5 جولائی کو جنگ بندی مذاکرات دوبارہ شروع کیے گئے تھے، جن سے قبل 14 جولائی کو نیتن یاہو اور سابق امریکی صدر ڈونلڈ ٹرمپ کی واشنگٹن میں ملاقات طے تھی، ان مذاکرات کی میزبانی دوحہ نے کی تھی، جہاں حماس نے ابتدائی طور پر مثبت جواب دیا تھا۔

مزید پڑھیں:غزہ میں عارضی جنگ بندی کے ممکنہ معاہدے پر متضاد دعوے

لیکن حالیہ اطلاعات کے مطابق، یہ مذاکرات ایک بار پھر ناکامی سے دوچار ہو چکے ہیں۔