کینیڈا میں ایک بار پھر ایک اسکول کی عمارت سے بچوں کی اجتماعی قبریں دریافت، دنیا بھر میں ہلچل

کینیڈا میں ایک بار پھر ایک اسکول کی عمارت سے بچوں کی اجتماعی قبریں دریافت، دنیا بھر میں ہلچل

?️

کینیڈا (سچ خبریں) کینیڈا میں ایک بار پھر ایک اسکول کی عمارت سے بچوں کی اجتماعی قبریں دریافت ہوئی ہیں جس کے بعد دنیا بھر میں ہلچل مچ گئی ہے اور انسانی حقوق کی تنظیموں سے اس سلسلے میں تحقیقات کی اپیل کی جارہی ہے۔

تفصیلات کے مطابق کینیڈا میں دوبارہ ایک سابق بورڈنگ اسکول میں ایسی قبریں دریافت ہوئی ہیں، جن میں 751 قبائلی بچوں کی لاشیں دفن تھیں۔

خبررساں اداروں کے مطابق بدھ کے روز ریاست سِس کیچوان کے شہرریجینا سے تقریباً 140 کلومیٹر دورایک سابق بورڈنگ اسکول میں قبریں دریافت ہوئیں، جن میں سیکڑوں قبائلی بچوں کی لاشیں دفن ہیں، اس سے متعلق قبائلی افراد کی نمایندگی کرنے والی تنظیموں کا کہنا ہے کہ اس مقام پر نامعلوم افراد کی قبریں بڑی تعداد میں ہیں، جو کینیڈا میں آج تک کی تاریخ میں سب سے بڑی تعداد ہے، جس کی تحقیقات جاری ہے۔

گزشتہ ماہ ایسی ہی ایک اجتماعی قبر کے انکشاف نے پوری دنیا کو جھنجھوڑ کر رکھ دیا تھا، اس تازہ انکشاف سے قبل گزشتہ ماہ برٹش کولمبیا صوبے میں بھی مقامی آبادی کے ایک سابق بورڈنگ اسکول سے 215 بچوں کی باقیات ملی تھیں، ان میں سے بعض بچے 3 برس کے تھے، یہ اسکول 1978ء میں بند کردیا گیا تھا اور برآمد ہونے والی باقیات برٹش کولمبیا کے شہر کملوپس کے طلبہ کی تھیں۔

یاد رہے کہ کینیڈا میں 1840ء سے 1996ء کے دوران حکومت اور مذہبی اداروں کی زیر نگرانی قائم بورڈنگ ہاؤس اسکولوں کی تعداد 100 سے زائد تھی، ان بورڈنگ اسکولوں میں تشدد اور زیادتی عام تھیں، اس دوران بچوں کو زبردستی مسیحی مذہب اپنانے پر مجبور بھی کیا جاتا تھا۔

واضح رہے کہ کینیڈا کی حکومت نے 2008ء میں اس غیر انسانی سلوک پر با ضابطہ معافی بھی مانگی تھی، اس حوالے سے مقامی تنظیمیں برسوں سے سرگرم ہیں اور اب کہیں جا کر انہیں بڑی تعداد میں بچوں کی باقیات ملنا شروع ہوئی ہیں۔

مشہور خبریں۔

غزہ کی عوام کو اجتماعی سزا دی جاری ہے؛انسانی حقوق کی ایک تنظیم کا انتباہ

?️ 1 فروری 2021سچ خبریں:انسانی حقوق کے مرکز یور میڈ رائٹس کا کہنا ہے غزہ

السوڈانی کا عراقی فوج کی جنگی سطح کو بڑھانے پر زور

?️ 6 جنوری 2024سچ خبریں:اس ملک کی فوج کے قیام کی سالگرہ کے موقع پر

ٹیکس کے  پیسوں سے متعلق فرخ حبیب کا اہم بیان

?️ 6 فروری 2022لاہور (سچ خبریں) وزیر مملکت برائے اطلاعات و نشریات فرخ حبیب نے

12 روزہ بے بسی کی داستان؛ امریکہ اسرائیل کے لیے جنگ میں کیوں اترا؟

?️ 28 جون 2025 سچ خبریں:12 روزہ ایران-اسرائیل جنگ میں امریکہ نے براہِ راست مداخلت

امریکی صدر اب عراق میں فوجی طاقت کا استعمال نہیں کرپائے گا، امریکی ایوان نمائندگان نے اہم قانون پاس کردیا

?️ 18 جون 2021واشنگٹن (سچ خبریں) امریکی ایوان نمائندگان نے اہم قانون پاس کردیا ہے

امریکی حکومت صرف اپنے مفادات کے بارے میں سوچتی ہے: کیوبا

?️ 5 فروری 2023سچ خبریں:ہمارے ملک کے وزیر خارجہ حسین امیرعبداللہیان لاطینی امریکہ کے دورے

ترکی اسرائیل تعلقات کسی سے ڈھکے چھپے نہیں:صیہونی وزیر خارجہ

?️ 8 اپریل 2022سچ خبریں:اسرائیلی وزیر خارجہ نے انقرہ کے ساتھ اپنے تعلقات کی عدم

قتل کے حکم عراق کے باہر سے ملتے ہیں:عراقی سیاسی تنظیم

?️ 14 نومبر 2022سچ خبریں:عراق کے الفتح اتحاد کے ایک رکن نے کہا کہ اس

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے