معلوم ہو گیا ہے آبنائے ہرمز کی باگ ڈور کس کے ہاتھ میں ہے؛صیہونی اخبار کا اعتراف

?️ 15 جولائی 2026

سچ خبریں:ایک صیہونی اخبار نے اعتراف کیا ہے کہ آبنائے ہرمز میں امریکی صدر کے مقابلے میں ایران کو برتری حاصل ہے۔

صیہونی اخبار ہارٹیز نے اپنی رپورٹ میں اعتراف کیا ہے کہ آبنائے ہرمز میں عملی کنٹرول ایران کے پاس ہے۔ رپورٹ کے مطابق ٹرمپ کے دعوؤں کے برعکس ایران محفوظ بحری راستوں کا تعین کر کے جہازوں کی نقل و حرکت کی رہنمائی کر رہا ہے۔

صیہونی روزنامہ ہارٹیز نے اپنی رپورٹ میں لکھا کہ ڈونلڈ ٹرمپ نے دعویٰ کیا تھا کہ وہ آبنائے ہرمز کو کھلا رکھیں گے، لیکن حقیقت یہ ہے کہ اس پورے معاملے کی باگ ڈور ایران کے ہاتھ میں ہے۔

رپورٹ کے مطابق، خطے میں جاری کشیدگی کے دوران امریکی صدر بارہا یہ دعویٰ کرتے رہے کہ بحری جہاز باآسانی آبنائے ہرمز سے گزر سکتے ہیں، یہاں تک کہ انہوں نے امریکی فوج کی جانب سے ان جہازوں کو حفاظتی نگرانی فراہم کرنے جیسے ناقابلِ عمل منصوبے بھی پیش کیے۔

دوسری جانب اسلامی جمہوریہ ایران نے آبنائے ہرمز پر اپنی خودمختاری کا عملی اظہار کرتے ہوئے محفوظ بحری راستوں کا تعین کیا اور بحری جہازوں کی رہنمائی ان راستوں کی طرف کی جو اس کی مقرر کردہ ہدایات کے مطابق تھے اور جہازوں کا اسی پر چلنا تھا۔