اسرائیل کے نئے وزیر جنگ کٹھ پتلی ہیں:نیتن یاہو کے مخالف رہنما

?️ 9 نومبر 2024

سچ خبریں:نیتن یاہو کے مخالف صیہونی رہنما یائر لاپڈ نے یسرائیل کاتز کو وزارت جنگ میں کٹھ پتلی قرار دیا۔

الجزیرہ نیوز چینل کی رپورٹ کے مطابق بنیامین نیتن یاہو کی جابب سے صیہونی وزیر جنگ یوآو گالانت کی برطرفی مقبوضہ علاقوں میں ان کی انتہا پسند کابینہ کے خلاف شدید مخالفت کا باعث بنی ہے۔

یہ بھی پڑھیں: اسرائیل کے سابق وزیر دفاع نے غزہ کی جنگ میں اسرائیل کی ذلت آمیز شکست کا اقرار کرلیا

نیتن یاہو کے مخالف صیہونی رہنما یائر لاپڈ نے سوشل میڈیا پلیٹ فارم ایکس (سابقہ ٹویٹر) پر اپنی پوسٹ میں کہا کہ نیتن یاہو نے یسرائیل کاتز کو وزارت جنگ میں محض ایک کٹھ پتلی کے طور پر تعینات کیا ہے تاکہ اہم مسائل سے فرار ممکن ہو سکے۔

لاپڈ نے اس سے قبل غزہ میں جنگ بندی اور حماس کی قید میں صہیونی قیدیوں کی رہائی کا مطالبہ کیا تھا، جس سے نیتن یاہو نے اپنی اتحادی حکومت کے گرنے کے خوف سے انکار کر دیا۔

مزید پڑھیں: اسرائیلی وزیر جنگ کا ایک کارکن جاسوسی کے الزام میں گرفتار

حزب اسرائیل ہمارا گھر کے رہنما آویگدور لیبرمین نے بھی نیتن یاہو پر تنقید کرتے ہوئے کہا کہ گالانت کو ایسے وقت میں برطرف کرنا، جب ایران کی جانب سے مقبوضہ علاقوں پر حملے کا امکان ہے، سرخ لکیروں کو عبور کرنے کے مترادف ہے۔