غزہ میں امریکی کمپنی کو امداد تقسیم کرنے کی اجازت؛صیہونی حکومت کا دعویٰ 

سچ خبریں:صیہونی حکومت نے دعویٰ کیا ہے کہ اس نے ایک امریکی کمپنی کو 24 مئی سے غزہ میں انسانی امداد کی تقسیم کی اجازت دے دی ہے، جبکہ مقامی حکام کا کہنا ہے کہ محاصرے اور حملوں کے باعث غذائی قلت اور مشکلات میں اضافہ ہو رہا ہے۔

الجزیرہ نیوز چینل کی رپورٹ کے مطابق کی صیہونی فوج نے قابض وزیر جنگ یسرائیل کاتز کے حوالے سے دعویٰ کیا ہے کہ اسرائیل نے غزہ کی پٹی میں انسانی امداد کی تقسیم کے لیے ایک امریکی کمپنی کے ساتھ معاہدہ کیا ہے، اس معاہدے کے مطابق، مذکورہ امریکی کمپنی کو 24 مئی سے غزہ میں امدادی سامان تقسیم کرنے کی اجازت دی گئی ہے۔

یہ بھی پڑھیں:صیہونی سیکورٹی ذرائع کا دعویٰ: دو ہفتوں میں غزہ میں انسانی امداد پہنچ جائے گی

رپورٹ کے مطابق، اسرائیلی فوج نے اپنے بیان میں کہا ہے کہ تل ابیب نے ایک امریکی کمپنی کے ساتھ معاہدہ کیا ہے، جس کے تحت یہ کمپنی 24 مئی سے غزہ کی پٹی میں انسانی ہمدردی پر مبنی امداد پہنچا سکے گی۔

تاہم، اسرائیلی حکومت کے اس دعوے کے برعکس، غزہ کی سول ڈیفنس کے ترجمان نے خبردار کیا ہے کہ جو لوگ اسرائیلی حملوں میں شہید نہیں ہو رہے، وہ خوراک کی شدید کمی کے باعث اپنی جانوں سے ہاتھ دھو رہے ہیں۔

مزید پڑھیں:غزہ میں نئے امدادی طریقہ کار کے لیے تل ابیب کے کیا مقاصد ہیں؟

واضح رہے کہ اسرائیلی قابض حکومت نے جنگ بندی کی خلاف ورزی اور غزہ پر وحشیانہ حملے دوبارہ شروع کرنے کے بعد گزشتہ دو ماہ سے علاقے میں کسی بھی قسم کی خوراک اور ادویات کی فراہمی کی اجازت نہیں دی، جس سے انسانی بحران مزید شدت اختیار کر گیا ہے۔