اسلامی ممالک اپنے ملکوں سے امریکی فوجی اڈوں کا خاتمہ کریں: یمن

سچ خبریں:یمن کے وزیر اطلاعات نے اسلامی و عرب ممالک سے مطالبہ کیا ہے کہ وہ امریکہ کے فوجی اڈوں کا خاتمہ کریں اور صہیونی و امریکی جارحیت کے خلاف متحد ہو کر فلسطین، لبنان اور یمن کا دفاع کریں۔

یمنی نیوز چینل المسیرہ کی رپورٹ کے مطابق اس ملک کی حکومت نے اسلامی اور عرب ممالک سے مطالبہ کیا ہے کہ وہ اپنی سرزمین پر قائم امریکی فوجی اڈوں کو بند کریں اور فلسطین، لبنان اور یمن کے خلاف جاری امریکی و صہیونی جارحیت کو روکنے کے لیے متحد اقدام کریں۔

یہ بھی پڑھیں:کون سے امریکی فوجی اڈے ایرانی میزائلوں کے نشانے پر ہیں؟ 

رپورٹ کے مطابق، یمن کے وزیر اطلاعات ہاشم شرف‌الدین نے کہا ہے کہ اسلامی و عرب ممالک کو چاہیے کہ وہ امریکہ اور اسرائیل کی جارحیت کو روکنے کے لیے سنجیدہ کوشش کریں اور اپنی سرزمین پر موجود امریکی اڈوں کو ختم کریں۔

انہوں نے کہا کہ جبکہ دشمن صہیونی ریاست غزہ میں فلسطینیوں کے خلاف نسل کشی جاری رکھے ہوئے ہے، اسلامی و عرب اقوام کو چوکنا رہنا چاہیے تاکہ وہ دشمن کی اس اسٹریٹجک سازش کا شکار نہ ہوں، جس کا مقصد انہیں تقسیم کرنا ہے۔

ہاشم شرف‌الدین نے مزید کہا کہ اسلامی اور عرب اقوام کو یاد رکھنا چاہیے کہ ان کی دشمنی کا مرکز صرف اور صرف حقیقی دشمنوں، یعنی امریکہ اور صہیونی ریاست کی جانب ہونا چاہیے، نہ کہ آپس میں اختلافات پیدا کر کے اپنے اتحاد کو کمزور کرنا۔

مزید پڑھیں:امریکہ کا ایران پر حملہ؛کمزور اسرائیل کی پشت پناہی یا سفارتکاری کا خاتمہ؟

انہوں نے خبردار کیا کہ امت مسلمہ کو اسٹریٹجک غلطی سے بچنا ہوگا تاکہ وہ ان سازشوں کا حصہ نہ بن جائے جو دشمنوں نے ان کی تقسیم کے لیے ترتیب دی ہیں۔